مع نفسى

كل عام وأنتم بخير

2009-08-23T03:01:00.001+02:00

وثيقة تفكيك اسرائيل

2009-02-27T22:02:00.002+02:00

بصوا ياجماعه المطلوب اننا ندخل نمضي علي وثيقة تفكيك اسرائيل هي موجوده بالعربي والانجليزي
طبعا نمضي علي الاتنين
الوثيقة مستندة على

التعريف العالمي للدولة
الميثاق العالمي لحقوق الانسان
العهد الدولي للحقوق المدنية والسياسية
العهد الدولي للحقوق الاقتصادية والاجتماعية والثقافية
وبنثبت من خلال الكلام ده ان ان اسرائيل قايمه علي فكر عنصري استيطاني صهيوني لا ينطبق عليه شروط الدوله ومش بيلتزم بالقوانين الدوليه وبناء علي ذلك يجب تفكيكها
وياريت بعد ماتمضوا عليها تنشروها عندكم عشان اي حد يدخل يمضي هو كمان

NEW HOLOCAUST

2009-01-24T19:15:00.002+02:00

HELP US IN PUBLISHING ZIONISTS CRIMES

ZIONISM = NAZISM

contribute in the new blog ( New Holocaust )

Let the world know who is the real terrorist of humanity

ألعنكم حكامى وألعن من ناصركم

2009-01-07T22:28:00.006+02:00

أريد أن يخرج أحد ما ليشرح لى حقيقة ما يحدث الان فى غزة .., لم يسبق لى أن أحسست بهذا الكم المفزع من التناقضات يحيط بى .., ولم يسبق لى من قبل أن رأيت هذا التخاذل من الجميع .. ربما يكون أمراً مبرراً أن تخرج لنا التصريحات الأمريكية والفرنسية والبريطانية وباقى الدول الأوروبية مساندة لاسرائيل .., أن يقول أوباما : أشعر بالقلق البالغ على الضحايا المدنيين من الطرفين ويضع ألف خطاً تحت كلمة الطرفين , ويأتى بوش ليقول أنه يتفهم تماماً دوافع اسرائيل فيما تقوم به .., ويأتى براون ويتعامل مع الأمر كمحاسب على حد قول محلل سياسى بريطانى وزعيم الحزب الليبرالى ويتحدث فقط عن ارسال المساعدات الى غزة

كل هذا يمكننى تقبله فهؤلاء هم من زرعوا اسرائيل هنا من الأساس والمطلوب منهم حمايتها على طول الخط فهم ينفذون الحديث الشريف الذى يقول .. إنصر أخاك ظالماً أو مظلوماً .., أما ما يثير حنقى ويرفع ضغط دمى الى حد الغليان ما يحدث هنا .., ما نفعله نحن العرب وبالأخص مصر .., فليشرح لى أحدكم ماذا يفعل حسنى مبارك فى هذه الأزمة التى تعصف بنا جميعاً كبشر قبل أن نكون عرب ومسلمين .., فليخرج أحد ليشرح وجهة النظر المصرية وارجوكم لا يكون أحمد أبو الغيط أفشل وزير خارجية فى التاريخ المصرى والدولى

دعونا نتحدث فى بعض المسلّمات ليكون الكلام بسيطاً .., نحن مصريون وعرب لنا عدو واحد .., من هو هذا العدو .., لا يجيبنى أحد الحمقى بأن عدونا هو حماس .., عدونا الأول ..عدونا الحقيقى ..عدونا القابع على بعد خطوات من الحدود هو إسراااااااااااااااااااااااااائيل .., تعرف أختى الصغيرة بهذا الأمر حين تعلمت النطق .., يعرف عم حسن المكوجى أن الاسرائيليين أولاد كلب .., يعرف اللواء محسن بأمن الدولة أن الاسرائيليين يستمتعون بحرق الأطفال .., يعرف أبى بان الاسرائيليين قتلة وان كان يرفض مشاهدة ما يحدث .., وأعرف أنا أنهم أوغاد منذ نعومة أظفارى

كلنا يعلم أن عدونا البغيض هو اسرائيل .., كلنا يكره إسرائيل حتى شعبان عبد الرحيم .., حسناً .., هذا أمر من المسلّمات يعرفه الجميع هنا .., أن الاسرائيليين قتلة أوغاد وليس لهم عهد .., منذ قامت دولتهم وكل من فى رأسه عقل يعلم أن ليس لهم عهد ..,ينكر قادتنا الأعزاء أحرقهم الله جميعاً هذه الحقيقة الواضحة لكل أعمى و يذهبون مرتدين العمم والعقالات للمحافل الدولية لتوقيع معاهدات سلام مع إسرائيل .. ليعودون مرتدين عمماً أكثر طولاً وسلطانيات أكثر عمقاً وحاصلين على شىء اخر غير السلام لا يمكننى أن أقوله هنا لكى لا أتهم بقلة الأدب

إذا أفترض أنه من خلال هذه الخبرة العظيمة على مر السنين ومن كثرة ما حصلو من هذا الشىء الذى لن أقوله ..أفترض أنهم تعلمو شيئاً مفيداً

إذا أنت أحضرت كلباً وضربته عند سماع الجرس ..,وكررت هذا الفعل عدة مرات .., اذا سمع الكلب صوت الجرس سيعوى دون أن تضربه ., يعرف هذا بالارتباط الشرطى لبافلوف .., لو طبقنا هذا على حكامنا إذا لكان من المفترض أن يدركون جميعاً أنه ليس هناك ما يسمى بسلام مع إسرائيل .., بالطريقة السهلة أو بالطريقة الصعبة كان من المفترض أن يتعلمون هذه الحقيقة البسيطة التى تعلمها أختى الصغيرة والتى يعلمها عم حسن المكوجى والتى يعلمها شعبان عبد الرحيم بالتأكيد

نأتى لما يحدث الآن .., من الذى خدع زعيمنا الهمام عبقرى زمانه وأخبره بأن العدو الحقيقى لمصر والخطر الحقيقى على أمننا القومى هو حماس وليس اسرائيل .., أفترض الآن أنه إما مخدوعاً أو افتراضى الثانى أنه قد أصبح مسناً ولا يدرك ماذا يفعل .., هناك افتراض ثالث بأنه لا هذا ولا ذاك ويعلم حقيقة ما يفعل ولم تعد تهمه قضية سوى مصالحه .., ولكننى رقيق القلب حقاً ولن أحتمل أن يكون هذا الإفتراض صحيحاً لكى يمكننى الحياة فى هذه البلد .., لن يمكننى أن أتصور أن يوجد من يفضل مصالحه على مصالح بلد بأكملها ..من يقارن بين مصالحه الدنيوية وموت شعب أعزل ويختار مصالحه الدنيوية .., إعذرونى فأنا طيب القلب ولا أتحمل أن يوجد بيننا هذا النوع من البشر .., إذاً فهو مخدوع أو مسن جداً لدرجة ألا يتخيل نتيجة أعماله

لماذا يحاول الجميع أن يجعلون القضية مشوشة .., لماذا لا يكون قتل 700 وجرح 3000 نصفهم أطفال ونساء جريمة حرب .., ولماذا اطلاق بعد الصواريخ التى تذكرنى بصواريخ العيد والحربطاليا .. لماذا اطلاق هذه الصواريخ التى جرحت البعض وأخافت الكثيرين فى اسرائيل يجعل من حماس منظمة ارهابية ؟؟؟؟؟؟

لماذا ينزعج النظام المصرى ويهاجم حسن نصر الله حين يناشد المصريين بفتح معبر رفح أمام الأخوة ولا يعلق أو ينطق بحرف واحد حين تقول ليفنى ويقول ساركوزى وتقول المفوضية الأوربية وتقول الصحف الأمريكية والإسرائيلية بأن مبارك يقول أن فوز حماس بهذه الحرب أمر مرفوض تماماً ..., لماذا ننزعج من العرب حين يقولون إفتحو معبر رفح ونقول بأن المعبر لابد أن يراقب من اسرائيل .., ثم لماذا نغلق المعبر من الأساس ؟؟؟؟

لماذا نقول أن هناك معابر أخرى عند اسرائيل فلتفتح هى المعابر ؟؟؟ ..., لماذا نقول فى وسائل الإعلام أن الخطر قادم من إيران ؟؟ .., وماذا تفعل اسرائيل .., تصدّر لنا البلالين وألعاب الأطفال ؟؟؟

لماذا يلومنا العرب ويطالبوننا بفعل كل شىء ولا يفعلون هم شيئاً .., لماذا لم يطرد أحدهم السفير الإسرائيلى أو يقطع العلاقات أو يوقف تصدير البترول .., ثم لماذا يطرد شافيز السفير الإسرائيلى ولم تفعل له اسرائيل شيئاً .., لم تقتل له أختاً أو أخ .., ولم تهتك له عرضاً .., أمريكا هتكت عرضنا فى العراق ونفخر بأننا أصدقاء ؟؟؟؟؟؟؟؟؟؟؟

هل شافيز مسلم وعربى أكثر من حكامنا ؟؟؟؟ .., أم أن من يُقتل فى غزة الآن سرب من الباعوض كان يقرص مؤخراتهم لذلك هم سعداء بالتخلص منه ؟؟؟

فليخبرنى أحدكم ماذا يحدث بالله عليكم .., هل تكرهنا حكوماتنا ويريدون أن نغور فى داهية أم هم قائمون على تنفيذ رغباتنا ؟؟؟؟ .., هل إسرائيل عدو أم حليف ؟؟ .., هل أغير جنسيتى الى التركية أو الفنزويلية ؟؟ وهل يقبلون بى كمواطن أم أننى لا أستحق الا أن اكون مصرياً عربياً ؟؟؟ هل نحن سلالة غبية من البشر ؟؟؟ هل أتزوج وأنجب ابناً يكره وجوده ويكره جدوده ويكره أوطانه ؟؟؟ هل نقطع سلالتنا ونتوقف عن الوجود حتى يبدلنا الله بقوم آخرين ؟؟؟؟

لماذا يلوم البعض حماس وحزب الله علماً بأنهم هم وحدهم من يدافع الآن عن الحق ؟؟؟ أم هل نلومهم لأنهم يذكروننا بأننا أصبحنا خصياناً جناة ؟؟؟

أعلم بالتأكيد أن من مات لم يمت .., هم الشهداء لأنهم يستحقون المجد .., ونحن الموتى الأحياء نعيش لأننا نستحق العار

أشعر بالعار

2008-12-27T17:17:00.004+02:00

أشعر بالعار

أيها السادة حكام العرب الأفاضل

تفووووووووووووووووووووو

هذيان بعد نص الليل

2008-12-04T23:59:00.006+02:00

مين قال انك نسيت ؟؟

دايما بتفضل تفاصيل صغيرة محفورة جواك .. كل ما بيجيلك وقت تتخيل انك نسيت ..ترجع التفاصيل دى تعرفك انك لسه فاكر وان النسيان ده لعبة انت مبتعرفش تلعبها .., الغريب انك وبمجرد ما تفتكر تفصيلة صغيرة .. بتغوص جواها .. لدرجة انك بتنفصل عن اللى حواليك وبتعيش الموقف كله من جديد

ساعات بتمسك نفسك وانت بتبتسم من غير سبب .. فى وسط انشغالك بمذاكرة .. بشغل .. فى وسط ما انت قاعد مع ناس وبتكلمهم .. فجأة تفتكر حاجة تخليك تبتسم .. تفتكر حاجة تهزك من جوه .. تفتكر كلمة تخليك تدمع .. فجأة بتكتشف انك لسه فاكر وانك قدامك وقت كبير علشان تقول أنا نسيت

أنا عارفك متصالح مع نفسك .. على قد ما بتلومها .. بس بتوصل معاها فى الاخرلحل وسط يرضيكو انتو الاتنين .. عارف انك مبتعملش حاجة غير لما بتكون مقتنع بيها جدا .. ليك فلسفة ومنطق بتمشى عليه ..يمكن فيه ناس كتير مبيفهموش ده ساعات .. بس مين قال انك عايزهم يفهموه .. طول ما انت مقتنع يبقى خلاص

أكيد ساعات بتحاول تفهم اللى حواليك منطقك .., وأكيد مفيش مرة حاولت ومنجحتش .. كل مرة كنت بتحاول فيها تعمل حاجة كنت بتنجح .., طيب ليه دلوقتى انت ساكت ؟؟ ..و ليه دلوقتى انت بعيد ؟؟

يمكن لانك عارف ان فيه حاجات مينفعش فيها الكلام .., أو يمكن لانك شايف ان الكلام هيزود الوجع عندك وعندها .., وفى الاخر مفيش حاجة هتتغير لانك عارف انك طالما خدت قرار .. فانت أكيد فكرت ألف مرة قبل متاخده .., وطالما خدته يبقى كنت عارف ان مفيش رجوع

ممممممم .. ايه اللى محيرك طيب ؟؟ .. انك لسه منسيتش ؟؟ .., ومين قال انك عمرك نسيت .., شوف نفسك وانت قاعد مع صاحبك الفجر وبتحكو لبعض عن زمان .., شفت كم التفاصيل اللى عايش جواك واللى كنت فاكره راح .., شفت ازاى انت كنت مستمتع وانت بتحكى .., ازاى الحاجات اللى كانت بتوجعك زمان .. وكنت بتخاف حتى تفكر فيها .. ازاى بقت ذكرى بتحكيها لصاحبك وانتو مبتسمين .., شفت لهفتكو انتو الاتنين وانتو بتحكو .. لدرجة ان جه وقت بقيتو انتو الاتنين تتكلمو فى نفس الوقت ومحدش سامع التانى .. وكل واحد بيحكى ومش هدفه انه يحكى لصاحبه .., لأ بقى كل واحد مستمتع بانه لسه فاكر .. بقى كل واحد بيسمع حكاياته هو كأنها بتتحكيله مش هو اللى بيقولها .., بقيت عايش جواك بتفاصيلك القديمة وشايفها بحلوها ومرها ..حلوه .. لانها فى الاخر خلتك أنت .. خلتك البنى ادم اللى انت شايفه دلوقتى

الدنيا علمتك انها دايما بتتغير .. علمتك انك متخافش من بكرة اللى انت شايفه دلوقتى .. علشان بكرة ده لما ييجى هيبقى بكرة تانى غير اللى كنت خايف منه .., أو لأنك انت هتكون حد تانى غير الحد اللى كان خايف من بكره لما ييجى

بدأت تهيس مش كده ؟؟

بس الدنيا علمتك كمان انك متجريش ورا بكرة وتنسى النهاردة .., علشان فى كل مرة عملت فيها كده اكتشفت ان طعم الحاجات كان أحسن زمان .. وان مفيش مرة بكرة جه فيها ..الا وعرفت انك مكنتش عادل فى حكمك على امبارح

.بتحلم كتير ؟؟ ..أحلامك ساعات بتبقى كبيرة عليك ؟؟ .. اه .., ويمكن ده اللى بيضايقك معظم الوقت .., بس برضه انت طول عمرك شايف ان الحلم الكبير هو اللى يستحق انك تحلمه .., أى حاجة غيره متبقاش حلم .., عارف ..الأوقات اللى مبتحلمش فيها هى أوقات اكتئابك .., فكرة ان مفيش حاجة كبيرة انت بتسعى وراها .. من اكتر الحاجات اللى بتضايقك

ممممم بيتهيألى احنا اتكلمنا كتير النهاردة ..أقولك على حاجة .., قوم نام أحسن

يوم باضت أنثى العنكبوت

2008-10-18T00:55:00.004+02:00

يوم باضت أنثى العنكبوت
عن الجراحة و نيدو و أم السيد , وأشياء أخرى

( الراجل رئيس قسم الجراحة مش طايق دفعتكم .. أنتو عملتو فيه ايه بالظبط ؟؟ )

أصطبح اليوم على هذه الجملة من نائب جراحة زميل والذى يتصل بى خصيصا ليخبرنى بأن هناك اخبارا تسرى فى القسم عن احتمالية عدم تحديد المواضيع المهمة للامتحان كما جرت العادة كل عام .., أنظر الى تلال كتب ومذكرات الجراحة التى تغطى المكتب وتتساقط على الاطراف .. بينما تقترب ذبابة هائمة سيئة الحظ لتقف على أحد كتب الجراحة .. تكح الذبابة بقوة وتبدو عليها علامات الفزع قبل أن تختنق بسرعة وتسقط ميتة فى الحال

.
أبلع ريقى بصعوبة محاولاً عدم تخيل ماذا يمكن أن يحدث لو لم تكن هذه إشاعة لعينة بغيضة مصدرها فاسد إسرائيلى مندس .., وكان ما يقال حقيقة .. يا إلهى .. ستكون هناك فضائح للركب .., أضحك بهستيرية متصورا شكلى يوم الامتحان حين يبدأ الدكتور العظيم فى تنفيضى وعصرى وسحلى فوق بلاط القسم ورخامه .., يبدو أننا سنلعب كل الألعاب .., تذكرت القط توم حين لم يكن يجد مفرا من القطار السريع .. كان يرتدى عصابة العين ويدخن سيجارة فى استمتاع قبل أن يفعصه القطار .., ربما سأفعل شيئا من هذا القبيل

( أنا اتضربت يا حسن .. البت سوكه ضربتنى )

أبدأ فى تنفيض كتب الجراحة .. لابد من المذاكرة .. فخيار القط توم لا يبدو ذكيا بالدرجة الكافية .., فبحسبة بسيطة يمكننى اذا عقدت العزم وأنجزت كمية كبيرة يوميا .. يمكننى أن أنهى الجراحة قبل العام القادم باذن الله .., مممم .. أمر رائع .., هذا اذا تناسيت أن الامتحان بعد شهر .., يمكننى أن اتناسى هذه المعلومة .., وأبدأ فى المذاكرة

Hernia is associated with chronic cough ,constipation and urinary out flow obstruction

يؤذن لصلاة الجمعة فاقوم مسرعا للصلاة ممنيا نفسى باكمال المذاكرة عند الرجوع ولكن بهمة أكبر لكى أنجز الكمية المحددة لهذا اليوم المبارك .., أصاب بخيبة الأمل قليلا حين أجد أن الشيخ مغروز _ كما نطلق عليه _ هو الخطيب .., فالشيخ مغروز يعمل كفنى معامل بالصباح وشيخا فى أوقات الفراغ .., فالموضوع عنده هواية ليس أكثر .., فمنذ أن اكتشف أنه موهوب بالخطابة_ من وجهة نظره طبعا _ كنا نحن المتضررين

.
يبدأ الشيخ فى القاء خطبته العظيمة بينما يتثاءب الحاضرون جميعا .., كانت الخطبة عن الزكاة واستحباب اخراجها فى صورة حبوب وشعير وارز وخلافه كما كان يحدث أيام الرسول .., وأخذ يعدد السلع حتى وصل الى جواز اخراج لبن الاطفال المجفف مثل نـيـدو كزكاة .., كما كان يحدث أيام الرسول .., وهنا انتفضت فى صدمة .., نيدو ايه اللى كان ايام الرسول يا عم انت .., واخذ يذكر الحكايات الدالة على اخراج اللبن المجفف ايام الرسول .., اذن فلا مزاح فى الأمر .. يبدو أنه مقتنع بما يقول ..,أعرف أن شركة نستلة قديمة ولكن ليس لهذا الحد .., أنظر للجالس بجوارى فى تعجب منتظرا منه أن يشاركنى التعجب لأجده يغط فى نوم عميق .., أنظر فى الجانب الاخر لاجد الرجل منغمس تماما فى تنظيف أنفه .., يبدو كما لو أنه اكتشف وجودها منذ قليل وانها ليست هناك منذ خلق .., تزداد الخطبة حرارة ويزداد الجالس بجوارى حرارة فى تنظيف انفه مستخدما جميع أصابعه حتى أننى ظننته سيستخدم أصابع قدميه فى النهاية لتسليك تلك الهوة المجهولة

..
مع ازدياد الغطيط بجوارى حدة والتسليك أيضا ومع خزعبلات الشيخ مغروز دعوت الله أن يرحمنى .., ويبدو أن الله قد استجاب لدعائى وبدأت الصلاة .., وبعد الصلاة وجدت الرجل ذو الأنف المثقوبة ينظر لى بسعادة ماداً يديه للسلام على قائلاً .. تقبل الله يا دكتور .. ( عاااااااا)اا

...

ببص لروحى فجأة لقيتنى .. لقيتنى كبرت فجأة لقيتنى .. تعبت من المفاجاة .. ونزلت دمعتى)ى)

...

بعد الخروج من المسجد .., قررت الذهاب سريعا للبيت لاكمال المذاكرة .., ولكن فى الطريق قابلت زميل دراسة قديم من ايام الثانوى لم أره منذ فترة كبيرة .., سلمت عليه قبل أن يسألنى السؤال المعتاد .., يا راجل أنت لسه بتدرس .. ها ها ها .. مش كبرت عالمذاكرة بقى ولا ايه .. ها ها ها .., ابتلعت سماجته بصعوبة وسألته ماذا يعمل .. ليخبرنى والسعادة تطفو على وجهه .., لاااا ده أنا فى تالتة تجارة .. اصلى بشيل كتير .. ها ها ها
( اه يا ابن الكــلــ ... ) .., حاولت ان أستأذن منه لانشغالى ولكنه قال .. طالما شفتك بقى يبقى لازم اجى اشرب شاى معاك فى البيت .., ده انت واحشنى اوى يا راجل .. ده انا حتى بعزم نفسى اهو .. ها ها ها

.
أعصر على نفسى ليمونة وامنع نفسى من خنقه واصطحبه معى الى البيت ., نجلس فى حجرتى .. أنا صامت لا اتكلم .., وسيادته منطلق فى الكلام .., يحكى لى بحزن عن خطيبته التى تركته .., وانا أرد عليه بعبارات بليغة على طراز .. ممممم ... هااااااااا ..... ممممم .. مممفففف .. بلوب بلوب بلوب .. يااااه
.
يا الهى يبدو انه لن يسكت اليوم .., أنظر للسقف ثم للساعة ثم للسقف مرة أخرى لعله يشعر بشىء .., مستحيل .., أحملق فى العنكبوت الموجود على السقف .. يبدو أنها انثى العنكبوت فمؤخرتها كبيرة للغاية .. كانت تتمايل فى اغراء أمام عنكبوت اخر هزيل رفيع الاطراف طويلها يبدو انه الذكر .., أتأمل فى العناكب وتخطر لى خاطرة .. ربما سأنتظرحتى تبيييض العناكب قبل أن يخرس ذلك الأحمق

.
يكمل الأحمق بحماس . . انت عارف المشكلة فين ؟؟ ..مش انها سابتنى .., لا .. ( ابسوليوتلى ) المشكلة انها قلبت الشبكة بنت الحرام

.
تتصاعد أبخرة الغضب داخل رأسى ولكن لا مفر .., يحكى لى عن ام السيد جارتهم وانها كانت السبب فى ان يخطب بنت الحرام .., الله يلعنها بقى أم السيد .. بس أنت عارف .. انا مش زعلان منها .., أم السيد دى بركة أصلها .., دى هى اللى مرضعانى .. اه والله , ثم يكمل الحديث عن بركة أم السيد كيف أنها ظلت ترضع أهل الحى جميعا .., وأنها ظلت ترضع .. لم ينقطع لبنها منذ تزوجت فى السابعة عشرة .., وهى تبلغ الان من العمر الخامسة والخمسين ..,لم تبخل على أحد بالرضاعة .., وظلت منتجة مزهوة بانتاجها فخورة به حتى انها كانت تقنع أهل الحى برفضها للعمل مع نيدو رغم عروض العمل المنهمرة .., طب مش هتصدق لو قلتلك انها فضلت ترضّع عيال حتى بعد ما جوزها مات بعشر سنين .. آآآآه .. أمال ايه ... مش بقولك بركة
.
( يا مساافر وحدك .. ترلملم لم لم لم ...يا مسافر وحدك ... وسايبنى ... خدنى معاك أبوووس ايديك )

يرحل ذلك البغل بعد أكثر من أربعة ساعات تقريبا .., أنفض جميع القاذورات الخاصة به هو وام السيد _والعناكب أيضا_ من رأسى .., ثم أبدأ فى المذاكرة بتركيز

Hernia is associated with chronic cough ,constipation and urina…

ليرن جرس الباب .., أذهب الى الباب متوقعا الأسوأ .., ليفاجئنى الأسود منه .., مفاجـــــــــــــــــــأة .., العيلة كلها جايين يقضو معانا اليوم ( لولولولووللى ) .., يدخل الجميع .., أكثر من خمسين فرد .., بالاضافة الى حوالى تسع أطفال من النوع الرخم أبو دلدول .., يبدأ المولد لينصب خيامه فى شقتنا .., وطبعا بصفتى الاراجوز .., تنادينى احدى الخالات .. ما تيجى تقيسلى الضغط .., لينهمر الجميع بعبارات على طراز اه والنبى يا عبده .., افكر فى أى حجة للهروب .. ده عليه اقساط .. ده بينقل أمراض .. ده بيجيب الصفره , ولا حياة لمن تنادى .., تنفرد الأذرع وابدأ فى القياس ويبدو أن الموضوع قد أعجبهم فأصر الجميع على القياس .. تعالى انفخ هنا يا اسطى .., أنا عايزة أقيس مرة كمان .., ماما ماما .. ممكن أقيث .., ماما ماما خليه يقيثلى انا كمان ..., عاااااااااا مش راضى يقيثلى .. اشمعنى انا .., اه يا ولاد الحنكليس

.
بعد أن انتهت النمرة .., أقصد قياس الضغط بدأ كل منهم يشتكى بأعراض ما لمرض مبهم لم يكتشف من قبل .., وكل منهم يفتش فى نفسه على أى عاهة .. ده انا صدعت من خمس ايام .., وانا عينى بترف .. حتى شووف .., بابا بيقول ان عندى تبوز لا ارادى .., وانا حافظة الفاتحة .. وان تو ثرى فور
.
بعد أن امتصو دمائى تركونى فى جانب من الحجرة العق جراحى وأحاول أن استر فضيحتى .., لينهمر الجميع فى كلام لم يكن مفهوما منه شيئا الا انه يسبب الصداع .. بدا لى وقتها كأزيز مرتفع زززززززز يتخلله صراخ وبكاء الاطفال المنزعجين دوما لان احدهم قرصه من ودنه والاخرى مش عايزة تديها الكورة .. كورة فى اوضتى يا ولاد الحنكليس
.
اذهب لحجرتى لاجد طفلة صغيرة تبكى لا اعرف تتبع لمن .., رق قلبى لها فالجميع مشغول بالحديث ., قررت أن احملها والأجر والثواب عند الله لربما تنفعنى الحسنة يوم الجراحة مع الدكتور ظالم أبو الفشخ
تكف البنت عن البكاء أندهش من صمت البنت العجيب واحملها الى الصالة حيث الجميع لافخر بفعلتى .., شايفين سكتت ازاى ؟؟
لتنظر والدتها قائلة .. ايه ده انت شلتها .. طب اعمل حسابك .., وقبل ان تكمل الجملة أحسست بماء دافىء ينسكب على ليغرق ملابسى .., أنظر فى بلاهة لاكتشف ان البنت عملتها عليا .., ولتكمل أمها .. اعمل حسابك دى مش لابسة بامبرز .... وااااااااااااااااااااااضح
.

( أنت معانا ولا مع الناس التانيين ؟؟ .. انا معاكو طبعاً .. اهو احنا بقى الناس التانيين .. طاخ طاخ )

تمت

عيد سعيد

2008-09-30T23:43:00.002+02:00

كل سنة وانتو طيبين

عيد سعيد عليكم انتم وكل الناس اللى بتحبوهم

سامع حد بيقول احنا هنقضيها مناسبات عالبلوج ولا ايه

معلش استحملونى شوية ولما أخلص السنة دى ارجع للكتابة باذن الله

ربنا يجعل ايامكم كلها أعياد وفرح وانبساااااااط

اللهم تقبل منا رمضان

2008-09-02T17:30:00.002+02:00

محمود درويش فى ذمة اللـه

2008-08-10T01:33:00.002+03:00

يحكون في بلادنا
يحكون في شجن
عن صاحبي الذي مضى
و عاد في كفن
*
...كان اسمه
!لا تذكروا اسمه
....خلوه في قلوبنا

لا تدعوا الكلمة
...تضيع في الهواء، كالرماد
خلوه جرحا راعفا... لا يعرف الضماد
...طريقه إليه

...أخاف يا أحبتي... أخاف يا أيتام
أخاف أن ننساه بين زحمة الأسماء
!أخاف أن يذوب في زوابع الشتاء
أخاف أن تنام في قلوبنا
...جراحنا

!!أخاف أن تنام

-2-

العمر... عمر برعم لا يذكر المطر
لم يبك تحت شرفة القمر
...لم يوقف الساعات بالسهر

...و ما تداعت عند حائط يداه
!و لم تسافر خلف خيط شهوة ...عيناه

...و لم يقبل حلوة

لم يعرف الغزل
غير أغاني مطرب ضيعه الأمل
!و لم يقل : لحلوة الله
إلا مرتين
لم تلتفت إليه ... ما أعطته إلا طرف عين
...كان الفتى صغيرا
فغاب عن طريقها
!...و لم يفكر بالهوى كثيرا
.

-3-

.
يحكون في بلادنا
يحكون في شجن
عن صاحبي الذي مضى
و عاد في كفن
ما قال حين زغردت خطاه خلف الباب
!لأمه : الوداع
:ما قال للأحباب... للأصحاب

!موعدنا غدا
و لم يضع رسالة ...كعادة المسافرين
تقول إني عائد... و تسكت الظنون
...و لم يخط كلمة
...تضيء ليل أمه التي
,تخاطب السماء و الأشياء
!تقول : يا وسادة السرير

!يا حقيبة الثياب
!يا ليل ! يا نجوم ! يا إله! يا سحاب

أما رأيتم شاردا... عيناه نجمتان ؟
يداه سلتان من ريحان
و صدره و سادة النجوم و القمر
!و شعره أرجوحة للريح و الزهر
أما رأيتم شاردا
!مسافرا لا يحسن السفر
راح بلا زوادة ، من يطعم الفتى
إن جاع في طريقه ؟
من يرحم الغريب ؟
!قلبي عليه من غوائل الدروب
!قلبي عليك يا فتى... يا ولداه
!قولوا لها ، يا ليل ! يا نجوم
!يا دروب ! يا سحاب
قولوا لها : لن تحملي الجواب
فالجرح فوق الدمع ...فوق الحزن و العذاب !لن تحملي... لن تصبري كثيرا
...لأنه
!لأنه مات ، و لم يزل صغيرا
.

-4-

.
!يا أمه
!لا تقلعي الدموع من جذورها

للدمع يا والدتي جذور,
...تخاطب المساء كل يوم
!تقول : يا قافلة المساء
من أين تعبرين ؟
غضت دروب الموت... حين سدها المسافرون
سدت دروب الحزن... لو وقفت لحظتين
!لحظتين
لتمسحي الجبين و العينين
و تحملي من دمعنا تذكار
لمن قضوا من قبلنا ... أحبابنا المهاجرين
!يا أمه
لا تقلعي الدموع من جذورها
!خلي ببئر القلب دمعتين
فقد يموت في غد أبوه... أو أخوه
أو صديقه أنا
...خلي لنا
!للميتين في غد لو دمعتين... دمعتين
.

-5-

.
يحكون في بلادنا عن صاحبي الكثيرا
حرائق الرصاص في وجناته
...وصدره... ووجهه
...لا تشرحوا الأمور
أنا رأيت جرحه
...حدقّت في أبعاده كثيرا
" قلبي على أطفالنا "
!و كل أم تحضن السريرا
يا أصدقاء الراحل البعيد
لا تسألوا : متى يعود
لا تسألوا كثيرا
بل اسألوا : متى
!يستيقظ الرجال؟

*******

(محمود درويش 1941-2008)

البقاء لله

من جديد

2008-07-27T05:06:00.001+03:00

ممممم .. المدونة من جديد .. الرجوع إلى جلستى القديمة أمام شاشة الكمبيوتر ونظرة بلهاء مرتسمة على وجهى .. أبدأ فى الكتابة فيغمرنى شعور بالارتياح .., شعور من يرجع إلى البيت بعد يوم طويل من العمل المرهق الصعب .. ذلك الشعور حين تبدأ فى خلع حذائك الضيق وتفرد أصابعك المهروسة .. تخلع ربطة العنق بسرعة ثم تتمدد على أقرب أريكة إليك .. يااااااه .. شعور أنك أخيراً صرت بالبيت .., ويا له من شعور

الكتابة مرة أخرى .., والعودة لمطاردة هلاوس تسكن دماغك ولا يوجد حل للتخلص منها إلا بكتابتها .. , تعيش بعدها أوقات قليلة من راحة البال فقط لتطاردك الهلاوس من جديد .., أوليست الحياة نفسها رواية كبيرة نتشاطر فيها جميعنا أدوارا مكتوبة بعناية .. مع هامش بسيط للارتجال .., يبتسم يوسف بك وهبى عندما يقرأ الجملة الاخيرة ثم يحيينى بهزة رأس قائلا .. وما الدنيا يا عزيزى إلا مسرح كبير .., أشكره على تذكيرى بهذه الحكمة العظيمة ثم أطلب منه أن يرحل بهدوء فلا هذا عالمه ولا نحن ننتمى اليه .., بالأبيض والأسود تلونت حياته .., وبالاحزان تلونـَّـا نحن

دائما ما تحمل العودة فى طياتها الحلم .., حلم يدغدغ الحواس .., حلم يتناسى من الأساس سبب الهروب إلا أننا نتمسك به .., نقنع أنفسنا- كاذبين- بأن الأشياء قد عاد إليها مذاقها القديم .., بأن رائحة البحر قادرة على انعاش روحك .., وبأن الفرحة ما زالت تلمع فى العيون .., حلم هو سرعان ما نتحقق من عبثية التعلق به .., ولكن يبدو أننا نعشق الأحلام المستحيلة .., ربما يكون قدرنا ., وربما يكون غباء تتميز به سلالتنا من الأحياء

تمتاز الذكرى بكونها ذات كيان خاص .., لها عقل متفرد يجبرك على احترامه .., فاليوم تتذكر أمرا بسيطا حدث منذ شهور .., وغدا تتذكر فرحة والديك حين نطقت بأول كلمة .., وبعدها تتذكر يوم زفاف صديق عزيز .., اذن فالذكرى لا تلتزم بقواعد على الاطلاق .., او ربما هى لها قواعدها الخاصة ونحن فقط لا نعلمها .., وربما يكون الحنين هو ما يحرك الذكرى ويستدعيها الى الأذهان

يبدو أنـنى قد اعـتدت علـى أن أعتـاد الاعتياد .. ويبدو أن هذا الأمر يخيفنى حتـى الجنون

_____________________________

شكرا لكل من حاول الاطمئنان علىَّ فى الفترة الماضية .., وشكرا لكل من داوم على فتح المدونة وانتظار الجديد

يا رب

2008-05-26T23:22:00.004+03:00

اللهم اني اشكو اليك ضعف قوتى و قلة حيلتي و هواني علي الناس

أنت رب المستضعفين و أنت ربي , إلي من تكلني ؟ إلي بعيد يتجهمني, أو إلي عدو ملكته أمري ؟ إن لم يكن بك غضب علي فلا أبالي , و لكن عافيتك أوسع لي من ذنوبي

أسألك بنور وجهك الذي أشرقت له الظلمات , وصلح عليه أمر الدنيا و الآخرة من أن يحل بي سخطك , أو ينزل علي عذابك , لك العتبي حتي ترضي

ولا حول ولا قوة الا بالله

سيادة الرئيس .. أريد ان اهرش

2008-05-06T02:58:00.000+03:00

هذا المقال الرائع لبلال فضل وصلنى على الجروب الخاص به عالفيس بوك لا يمكننى الا ان انقله لكم كما هو بدون أى تعليق

خطاب افتراضي من مواطن كلبش حب الوطن في قلبه و كلابشات الوطني في يده

سيادة الرئيس..اكتب لسيادتك بالقلم الرصاص .. عنوان الحب و الاخلاص

الكدب خيبه سيادتك صحيح ان هذه الرساله مكتوبه بقلم رصاص دفعنا رشوة لعم حسنين عامل النضافة لكي يدخله الينا من ورا ضهر الحراسة , لكن الحقيقي انني لست انا الذي اكتب , بل انا املي هذه الرساله علي مريض يزاملنا في العنبر طلب عدم ذكر اسمه , برغم ان الدكاتره قالوا ان امامه بالكثير اسبوعين لكي يريح و يستريح , اي انه ليس لديه ما يخشاه , لكنه يخشي ان يطلع تشخيص الدكاتره خطأ و يكتب له عمر جديد فيكمل جلسات العلاج في السجن . و الحقيقه ايضا ان حكاية القلم الرصاص كانت من بنات افكاره هو ليس استرخاصا و انما لانه يري ان ذلك يسهل التخلص مما كتبناه اذا حدثت كبسه علي العنبر

كنت اتمني ان اخط لسيادتك هذه الرساله بيدي لكي تشعر بنبض مشاعري مباشرة, كان نفسي والله , لكن المشكله ان يدي اليمني غرزوا فيها ابرة المحلول الذي تقطمني الممرضه انه خسارة في جتتي كلما قامت بتغيره, و يدي اليسري كما تعلم سيادتك قيدوها بالكلابش الي ضهر السرير المعدني, انا اسف لانني افترضت ان سيادتك تعلم بأن هذا حدث, فقلبي يحدثني انك لا تعلم بان هذا يحدث لاحد ابنائك, لكن لساني لم يطاوعني ان اقول انك لا تعلم , لان مفروض ان سيادتك تعلم بكل كبيرة و صغيرة في هذا الوطن , الحقيقة ان لساني طاوعني , لكن زميلي الي بيكتب ما امليه عليه هو الذي نصحني بالا افترض ان سيادتك لا تعلم بهذه الحال , بان ذلك من الممكن ان يوقعني تحت طائلة القانون , و انا الي فيا مكفيني , زملاؤنا المرضي الذين لم يحدد لهم بعد الاطباء موعد لمغادرة الحياة , يقولون لي انهم سمعوا طبيبا شابا ابن حلال يقول لزملائه الذين ليسوا كذلك ان صورتي و انا نائم و يدي مقيده في السرير تمكن مصور صحفي ماكر من التقاطها و نشرت في كل انحاء الدنيا

و مع انني فرحت عندما سمعت ذلك لان صورتي و انا متبهدل كل هذه البهدله ستصل الي سيادتك و ستأمر بمعاقبة الذين كانوا وراء هذه البهدلة الا ان زميلي الكئيب الذي يستعد لمغادرة عهد سيادتكم الي رحاب الله قال لي ان هذه الصوره ستجر لي مزيد من الخراب و البهدلة , و انه مش بعيد ان يقيدوا يدي الاخري الي الناحيه الاخري من ضهر السرير, فضلا ان تقييد قدمي الاثنتين الي رجل السرير, و ذلك لانني تعاونت في صناعة صورة كهذه يمكن ان تظهر عهد سيادتكم علي غير حقيقته عهد يقيد المرضي الي اسرتهم كما لم يحدث من قبل في العالم كله, هكذا قال زميلي الكئيب محذرا اياي , فجعل الخوف يكاد يجعلني افعلها علي روحي , لكنني امتنعت عندما تذكرت ما يمكن ان تفعله بي الممرضات لو حدث ذلك , اخذت احلف بالله لسيادتك كأنك امامي انني لم أر جنس مصور منذ دخلت الي هنا , و انني كنت رايح في سبعين نومه لان جسمي كله كان بينقح عليا من كتر الضرب , ظللت ارتجف من الخوف و اسح في الدموع حتي صعبت علي كل من معي في العنبر , و لم يجعلني اتوقف عن الارتجاف و البكاء سوي نزيل اخر طلب ذكر اسمه هو الحاج عبدالبديع الذي دخل ليكشف علي الكلي فاكتشف ان لديه كليه واحده فقط و الاخري سرقت عندما دخل الي المستشفي منذ سنتين لكي يستأصل المراره , الدكاتره اقلوله ان كليته لم تسرق بل ذابت , و عندما اعترض قالوا له ان الله قادر علي كل شئ , فخاف ان يعترض فتطلع عليه سمعه انه دنماركي مسيئ للاسلام

عم عبدالبديع طمأنني ان ظهوري في الصوره نائم ممكن ان يطلعني من القضيه صاغ سليم , فاذا كان الله عز و جل يسامح الذي يترك صلاة الجمعة اذا كان نائم , فكيف يأخذ عباده الذي كان نائم علي تصويره اثناء النوم زميلنا الكئيب سكت ممتعضا و هو ينظر الي و انا احتضن عم عبدالبديع و ادعو له الله ان يخرج من المستشفي ببقية اعضائه سالما, و قاطع فرحتنا بقوله " طيب لو طلعت من قضية التصوير..هتطلع ازاي من قضية الشغب يا خفيف " , عدت لارتجف و ابكي فيما طلب منه عم عبدالبديع ان يعود و يتلقح علي سريره متطوعا بمواصلة كتابة هذه الرساله و مقررا ان ينتقم من زميلنا الكئيب بذكر اسمه صراحة في هذا الخطاب كي ينال جزاءه العادل, و لكنني استحرمت و طلبت منه ان يتركه يموت في سلام علي رجاء القيامه

سيدي الرئيس..انا اسف لانني لم انقل لك تحيات عم عبدالبديع و كل المرضي المجاورين لنا في العنبر , و عددهم عشره فشل كلوي, و اتناشر فشل كبد, واربعتاشر اورام متفرقه, جميعهم حملوني انا و عم عبدالبديع السلام امانة لسيادتك , و جميعهم ينقلون لسيادتك رغباتهم الحاره في ان تنظر اليّ بعين العطف و الحنان الذين تعودوه دائما كمواطنين في عهد سيادتك الذي نشأوا و ترعرعوا و شبوا و مرضوا في ظله

سافترض ان سيادتك شهدت الصوره , التي يقولون انها التقطت لي و انا نائم , و عهد الله كنت نائما, و سأسأل سيادتك, استغفر الله العظيم, تخيل سيادتك ان الشيطان وسوس لي ان اقول لسعادتك ان تضع نفسك مكاني و انا في هذا الحال , بل و وسوس لعم عبد البديع ان يكتب ما قلته, والله سيادتك لو كانت يدي حره طليقه لنهضت من فوري و ضربت نفسي و عم عبدالبديع و الشيطان بالحذاء لكي لا ينفث في العقد بخيالات مريضه مثل هذه, لكن يدي مقيده و يد عم عبدالبديع مشغوله بالكتابه , و لذلك اكتفيت انا و عم عبدالبديع ان استعذنا بالله من الوسواس الخناس, فنحن لا نحب ابدا ان نتصور ان سيادتك مكاننا ابدا , متعك الله بالصحه و العافيه لان مصر تحتاجك , اما نحن فلديها منا الكثيرالمشكلة ان الشيطان يجري فينا مجري فيروس سي في الدم , و لذلك نعلم انه سيعود الينا طالبا ان نسأل سيادتك هل يرضيك ان يتعرض لما اتعرض اليه احد ابنائك او اقاربك, لو لاقدر الله دخل المستشفي ذات يوم, لذلك لكي لا يدخل الشيطان بيننا ابدا, قررنا ان نسأل سيادتك السؤال بشكل غير مباشر, هل يمكن ان يتعرض لما انا فيه الان من كلبشة في ضهر السرير ابن احد الوزراء او الكبراء او اللواءات او المحافظين او رجال الاعمال؟

كنا فرحين انا و عم عبدالبديع بهذه الصيغه للسؤال التي تخرجنا من اي مساءله قانونيه , و توصل في نفس الوقت لسيادتك ما نريد ان نقوله , لولا ان جائنا من اخر العنبر صوت الكئيب ابن الكئيبه لكي يقول لنا " و هو في حد من دول ولا ولادهم ولا قرايبهم هيتعالج في مصر اساسا , دول بيطلعوا من بره بره يتعالجوا بره, و بره مفيش اساسا كلابشات في الاقسام عشان يبقي فيه كلابشات في المستشفيات " لم نستطع ان نرد عليه الصراحه , و لذلك قررنا ان نبلغ عن اسمه , سيادتك اسمه عدلي عبدالشهيد , زملاؤنا المسيحيون يقولون انه مسلم , و نحن نقول انه مسيحي , و عندما نجتمع سويا نقول انه زي الفقر معندوش ملة

عم عبدالبديع يري ان لا نضيع وقت سيادتك في اي مقدمات عبثيه و ان ندخل في الموضوع مباشرة , بعيدا عن محاوله تقريب صورة ما انا فيه لسيادتك , لانه متأكد ان سيادتك لو شاهدت صورتي او سمعت عنها لن يرضيك ابدا ما حدث لي و ستأمر فورا بمحاسبة المسؤول عنه . الحقيقه ان عم عبدالبديع متفائل بطبعه , بدليل انه صدق ان كليته ذابت و نزلت و هو يقضي حاجته , عندما لمته قال لي " يا بني العيشه الي احنا عايشينها تدوب الصخر مش هتدوب كليتي"انا لست عم عبدالبديع , طموحاتي بسيطه , لا اريد ان احاسب احد لا الذين اعتقلوني ولا الذين ضربوني بالرصاص المطاطي ولا الذين ضربوني علي قفايا ولا الذين سبوني بالاب و الام ولا الذين قيدوني الي ضهر السرير كأنني خطر داهم علي هذا الوطن, خطر لا يحتمل حتي حراسة اضافيه بل يتطلب تقيدي كالذبيحه لا اريد ان احاسب الذين حكموا علي قبل ان يحاكموني , ولا حتي الذين يأتون الي كل يوم ليطلبوا مني بحزم ان اشد حيلي عشان يطلعوا عين اهلي لما اخرج

سيدي انا لدي مشكلتان لا ثالث لهما , الاولي مع الذباب الشرس الحقير الغتيت , الذي يحاصرني في هذه المستشفي الكئيبة , ذباب واعي سافل يتعمد ان يحط علي الجهة اليسري من وجهي كأنه يعلم انني لن اتمكن من هشه بيدي المقيده , والله العظيم يا سيدي انا مستعد ان ادلي باعترافات تفصيليه عن دوري المزعوم في المؤامره التخريبيه كما وصفها الضباط الذين عكشوني , مقابل ان يفكوا الكلابش فقط لكي اهش الذباب المتوحش عني

مشكلتي الثانيه هي انني اشعر باكلان فظيع في ضهري , لا ادري هل سببه الحشرات التي يقسم زملائي انها اقدم في المستشفي من بهيره كبيرة الممرضات , ام سببه رقودي علي السرير علي وضع واحد كل هذا الوقت, مع ان التغيير سنة الحياة, نبهني عم عبدالبديع الي التباس الجملة الاخيره و كونها يمكن ان تسوؤ موقفي في القضيه , لكنني اقسم لسيادتك انني لا اقصد منها شيئا سوي انني فعلا اريد ان امارس حقي الدستوري في الهرش و تغيير وضع رقودي علي السرير, فانا لست دولة تستحمل ان تعيش ربع قرن علي وضع واحد دون اي تغيير, انا بشر ضعيف خلقت من تراب و سففت التراب و يلزمني بين الحين و الاخر ان اتقلب علي الجنبين , فهل هذا كثير عليّ سيادتك

سيدي الرئيس . والله العظيم و ليس لسيادتك علي شعبك حلفان , هل تعلم انني احلم كثيرا بان كل ما انا فيه سينتهي فجأه في زياره مفاجئه , لكي تقول لنا انه لا يرضيك ابدا ان يعامل مواطن في عهدك هكذا , حتي لو كان مخطئا او مشتبها في خطئة, وان سيادتك تؤمن بان المتهم برئ حتي تثبت ادانته عندها فقط تصبح كلبشته

عارف سيادتك طيلة عمري كنت احلم بان اصاب يوما ما بكسور و رضوض في حادثة قطار او اصاب بحروق من الدرجة الاولي في حريق مسرح او انجو من الغرق في عباره او اتعرض لجروح قطعيه في انقلاب بيجو 7 راكب, فقط لكي احظي بذلك المشهد المهيب الذي حظي به الالاف قبلي , اعني مشهد دخول سيادتك الي عنبر المستشفي لكي تتفقد المصابين , و تنحني عليهم ودودا حنونا تلاطفهم و تطمئن عليهم و تطبطب عليهم و توصيهم بان يبطلوا دلع و يشدوا حيلهم , يا الله , هل من الممكن ان احظي بشرف كهذا , و اري صورتي مع سيادتك في الجرنال و انت تمسك بمفتاح الكلابش و تفكه و تفكه بيدك الكريمه و قد كتب تحتت الصورة" سيادة الرئيس الاب يتفقد احد ابناؤه المصابين" انا اسف سيادتك عدلي مش ناوي يجيبها البر , من جديد اخرجني صوته من احلامي , عم عبدالبديع نفسه كان قد بدأ يحلم بان يتصور مع سيادتك و انت تعده بان كليته الباقيه لن تذوب باي شكل " هو انت فاكر نفسك ناجي من الغرق او حريق او موت.. انت يا ابني ممسوك في قضية شغب..فكيف تحظي بشرف كهذا لا يناله سوي المغدور بهم او المصابون بشرف

خرجت في المظاهرات.. نعم.. اعترف سيادتك لن الف و لن ادور و لم احلف بالله كذبا انني كنت رايح درس او جاي من مجموعة.. لن اقول انني خرجت لكي اتفرج و فوجئت بانني ممسوك .. عم عبدالبديع يطلب مني ان امسح كل ما قلته الان .. لكنني عاهدت نفسي ان اكون صادقا و انا اكتب اليك .. قد اكون مخطئا لانني خرجت في المظاهره, بلاش انا فعلا اخطأت و لكن ماذا افعل و انا علي اخري ككل الذين اعرفهم..خرجنا لكي نفش غلنا و نصرخ لعل اصواتنا تصل الي سيادتك فترحمنا من الغلاء و الكواء و الخواء و الغش حتي في الدواء..خرجنا لكي نسأل سيادتك كيف يمكن لاهالينا ان يضمنوا لنا حياه كريمه بمرتبات لئيمه ..كيف يمكن لنا ان نحلم بالمستقبل و نحن ندرس في مدارس و جامعات لا نتعلم منها شيئا ينفعنا في الدنيا او الاخره , نعم يا سيدي خرجت في المظاهرات كغيري .. لكن لا انا ولا احد من الذين اعرفهم احرقنا مدرسه او نهبنا محلا او اقتحمنا مطعما او كسرنا جهاز كمبيوتر.. سمعت انهم احرقوا المدرسه فحزنت..صحيح انني لم اتعلم فيها شيئا ذا بال لكنني حزنت لانني قضيت فيها اياما جميلة و ضحكت فيها من قلبي انا و زملائي كما لم نضحك من قبل و كما لن اضحك من بعد

سيدي الرئيس.. انا حزين علي كل طوبه رميت في وجه عسكري امن مركزي أمروه ان يقمعنا فقمعنا و هو يرتعد خوفا .. حزين علي كل شجره احرقت فوق شريط القطار .. حزين علي كل محل نهبوه .. علي كل مطعم لم يأكلوا فيه فأكلوه ..علي كل فصل اقتحموه و اشعلوا فيه النار.. حزين علي ان نصل جميعا الي هذه الحال.. لكنني حزين ايضا علي حياتي و علي حياة كل الذين اعرفهم

هل تتصور سيادتك اننا نعشق التظاهر و نهوي الاضراب و ندمن الوقفات الاحتجاجيه ..هل تتصور سيادتك اننا كنا سنخرج من بيوتنا اساسا لو كنا نشعر بالرضا عن اليوم او الامل في بكره ؟؟!!!!!

اعلم انه لا يوجد ابدا ما يبرر خروجنا كي نولع في مدينتنا ..في شوارعنا ..في مدارسنا ..لكن ماذا نفعل اذا كانت الحياه في بلادنا جعلتنا نرغب في ان نولع في انفسنا

سيدي الرئيس انا جاهز لكي اتحمل المسؤوليه عن كل ما ينسب اليّ..مستعد لكي امثل امام القضاء..مستعد الي ان تقيد كل اطرافي الي جميع ارجاء السرير .. لكن فقط بعد ان تثبت ادانتي .. مستعد لان احاكم و لكن بعد ان يحاكم معي كل الذين سرقوا مني الامل و حرموني من ان احلم بغد اقل سوءا.. بعد ان يحاكم معي كل الذين غرقوا في خيرات هذه البلاد دون ان يعطونا منابنا .. بعد ان يحاكم معي كل الذين اشعلوا النيران في اداميتنا و انتماءنا و حبنا لهذه البلاد التي عشنا فيها سنين راضيين بقليلنا لاننا نؤمن ان القليل من الحبيب كثير

سيدي انا مضطر ان اتوقف الان لكي اترك عم عبدالبديع يرتاح من نوبة البكاء التي اصابته ..لكي اطمئن علي عدلي الذي اعطانا ضهره و اخذ يرتجف لكي اطلب من الجميع ان يكفوا عن النشيج الحاد لكي ننجو من غضب الحراس الذين اقترب موعد تفتيشهم المفاجئ لنا

سيدي الرئيس..انا الان اعرف ما اريد..انا لم اعد اريد لا حبا ولا حنانا .. ولا حلا.. لم اعد اريد لا الخبز ولا الحرية.. لم اعد اريد لا الحراك السياسي ولا العداله الاجتماعية .. لم اعد اريد تكافؤ الفرص ولا فرص التكافؤ.. لا التنميه الشامله ولا الخروج من عنق الزجاجه

كل ما اريده ان تأمرهم سيادتك ان يفكوا قيودي .. فأنا حقا اريد ان اهرش

اه يا بلد .. اعتقلو اسراء عبد الفتاح

2008-04-17T22:34:00.006+02:00

تحديث

الحمد لله اسراء خرجت النهاردة

سيادة وزير الداخلية تعطف وتكرم وسمح بقبول التماس اهلها اللى رايحين يعملو عمرة بكرة .., يعنى لما هى واخدة براءة ومفيش حاجة ضدها كنتو حابسينها ليه

بلد بتاعة التماسات صحيح

ربنا يحميكى يا بنتى ويبعد عنك عيون ولاد الكلب ومتتاخديش تانى

____________________________________________________________

اسراء الان معتقلة بدون وجه حق

هى دى الحرية يا بلد ؟؟

جالى الخبر ده عالفيس بوك امبارح :

هام وعاجل جداً وزارة الداخلية تصدر أمر اعتقال بحق إسراء عبد الفتاح ونادية جمال مبروك في ساعة متأخرة من مساء أمس النائب العام هو اللي أمر بالإفراج عنها ، ولكن سلطة النيابة والقضاء وسيادة القانون عموماً،ليست هي كل شيء فوزارة الداخلية تستطيع وفقاً لقانون الطواريء اللي وضعوه لحمايتهم اعتقال أي شخص دون أسباب ودون أن يكون متهماً بأي تهمة هو ده العدل وهي دي حرية التعبيرلو سألتوا ليهلأن هي دي مصر وهي دي الحكومة المصريةوهو ده قانون الطواريء

والله حاجة تغيظ فعلا .., البجاحة وصلت للدرجة دى

هى عملت ايه يعنى علشان ده كله ؟؟؟

_____________________

ده محمد الشرقاوى

محمد الشرقاوى ألقي القبض عليه في مدينة 6 أكتوبر يوم الإضراب ومن يومها وهو محجوز .., وغيره كتير وكتير مقبوض عليهم ومطلعوش من اهل المحلة

يا ترى احنا رايحين لفين ؟؟؟؟؟

الحمد لله

2008-04-14T21:54:00.002+02:00

الحمد لله تم إخلاء سبيل إسراء هى ومعظم اللى معاها وهى حاليا بتخلص الاجراءات وهتخرج يا اما النهاردة يا بكرة الصبح ان شاء الله

الخبر جالى من جروب التضامن مع اسراء وكمان سمعته فى برنامج الطبعة الاولى بتاع أحمد المسلمانى

نص الخبر بيقول :

هام وعاجل جداً، تم اليوم صباحاً قبول التظلم المقدم من أمير سالم المحامي للإفراج عن إسراء عبد الفتاح ونادية مبروك ، والنائب العام يأمر بإخلاء سبيلهما ،ومن المتوقع خروجهما اليوم عندما تنتهي الإجراءات ،ويبقي الوضع علي ماهو عليه بالنسبة لباقي محتجزي القاهرةومن ناحية أخري وفي الإسكندرية قبل الإستئناف الثاني المقدم من المحتجزين بالنسبة لهم جميعاًماعدا واحد و حكمت المحكمة بإخلاء سبيلهم ، ومن المتوقع خروجهم جميعاً اليوم فور انتهاء الإجراءات باستثناء واحد فقط

مبروك لاسراء ومبروك لينا

أرجوكم لا تتخلو عنها

2008-04-10T01:41:00.005+02:00

إسراء عبد الفتاح أحمد راشد ..., لازم كلنا نفتكر الاسم ده كويس .., لازم كلنا نحفظ الاسم ده كويس.., نبدأ الحكاية من الأول ونقول مين هى إسراء وعملت ايه

إسراء عندها 28 سنة .., معاها ليسانس اداب .., عضوة فى حزب الغد وفى لجنة حقوق الانسان .., وهى اللى عملت الجروب المشهور عالفيس بوك والمتهم بانه دعا لاضراب 6 ابريل

انقلكم اللى قالته فى الجروب على لسانها :

انا قريت على النت وجتلى رسائل على الموبيل ان فى اضراب عام يوم 6 ابريل للاعتراض عن الغلاء المفرط والارتفاع الجنونى فى الاسعار ومن ناحية اخرى المرتبات والدخل ما بيتحركوش و مافيش ربط بينهم و بين الارتفاع الجنونى فى الاسعار وكأن الحكومة والبلد عايزنا نضرب دمغنا فى الحيط ......... عجبتنى الفكرة وفكرت ان احنا ممكن ندعم الفكرة باضراب عام عن الشراء نعمل اضراب عن شراء اى سلع فى اليوم ده وياريت منكنش سلبين ونشارك كلنا فى الاضراب بأى صوره من الصور

انا شايف ان كلنا معاها فى اللى عملته ده .., وكلنا مستعدين نعمله

الاضراب نجح فعلا وكان سابقة فى تاريخ مصر المعاصر .., اضراب اللى عمله الناس البسيطة والشباب اللى خايفين على بلدهم وبيحبوها لسه مع كل الظلم المحطوط عليهم

إسراء اتقبض عليها وتم حبسها 15 يوم على زمة التحقيق .., إسراء هتتحاسب على حاجة عملناها كلنا .., كلنا دعينا للاضراب وكتير مننا دعا للاضراب ده فى مدونته او بعت ايميلات لاصحابه .., اسراء مش صاحبة الفكرة .., وحتى لو هى صاحبة الفكرة ده مش معناه انه يتقبض عليها .., الكلام كان واضح جدا عن ان الاضراب سلمى وكنا بنقول اللى يشوف عسكرى امن دولة يديله وردة .., واللى حصل فى المحلة كان متدبر من الداخلية وكان بناءا على استفزازات امنية ليهم .., والدليل على كده استخدام الذخيرة الحية ودى حاجة مبتتعملش فى اى مظاهرة .., قنابل الدخان وصل بيهم انهم رموها جوه البيوت .., وكانو بيلمو الناس من الشوارع ويدخلوهم الاقسام

المطلوب مننا ايه دلوقتى .., اننا نقف جنب اسراء اللى عملت حاجة علشان خاطرنا كلنا .., مخافتش .., كان ممكن متحطش اسمها عالفيس بوك .., كان ممكن تعمل الجروب باسم وهمى .., انما اسراء كانت شجاعة جدا وكانت حاطة اسمها الرباعى .., وكانت عارفة ان أكيد ده هيحصلها

الجروب ده اتعمل لمساندة اسراء هى وزمايلها اللى اتقبض عليهم .. دوس عاللينك ده

لو سبناها تتحبس يبقى ننسى أى امل فى اننا نعمل حاجة بعد كده .., وننسى اننا نعمل اضرابات تانى .., لازم نقف جنب اسراء ونساعدها

كل اللى يسمع عن موضوعها ينشره لو عنده بلوج .., لو معندوش يبعته لاصحابه فى ايميل .., احكى لكل اللى تعرفه عنها .., اشترك فى الجروب اللى عالفيس بوك لمساندتها .., لو مقدرتش تعمل حاجة من كل ده .., ادعيلها ان ربنا يقف جنبها وتطلع لوالدتها بالسلامة

يا ريت بجد كل اللى يقدر يعمل حاجة يعملها .., مش عايزين اسراء تتنسى وتبقى زى الى راحو فى الرجلين ولا حدش سأل عليهم

______________________

أنا عدلت حجم الصورة اللى فوق علشان ينفع تبقى بانر نعلقه كلنا فى مدوناتنا والبانر اهو

لا تتخلو عنها

المدونة مشاركة فى إضراب 6 ابريل

2008-04-05T23:09:00.003+02:00

يوم سعيد جدااا

2008-03-06T12:57:00.005+02:00

.
لا أظن أحدكم يبدأ صباحه مثلى فعادة ما أبدأ صباحاتى برغبة دفينة فى القتل .., صوت منبه الموبايل يأمرنى بالنهوض بعد نوم لأقل من أربعة ساعات ..,حين تتحول موسيقى عمر خيرت الحالمة إلى سرينة مزعجة كالطرقات على أبواب الموتى هدفها الوحيد فى الحياة هو اقلاق نومك .., رتابة صوت أمى بصبر تحسد عليه الأمهات أن أحمااااااااد قوووووووووم .., أحماااااااااااااااد قووووووووووووووم .., ثم دخولها الصاخب إلى حجرة نومى وفتح الشباك واضاءة جميع الأنوار لإزعاج الكائن البائس الذى شاءت أقداره أن يكون أنا .., أتشبث بغطائى مستشعرا معه الأمن والدفىء .., ليستمر الموبايل المزعج فى الرنين وسيموفينية أحماااااااااااااد قووووووووووم .., ومحاولة تذكيرى بمائة مهمة ينبغى على انجازها لا أتذكر منها شيئا بمجرد القيام

.
تبدأ أبخرة الغضب تتصاعد بداخلى وأتذكر إعلان ميلودى أفلام وسائق التاكسى المزعج وحكاياته عن مطار الأنفاق وأيام الوايلى اللى يا رب ما يرجعها وأغنية شيال الحمول يا صغير وعبقرية اللحن الكامن فى ترديد مقاطع بس يعنى قولى يعنى أصلى يعنى .., مع اهتزاز رأس الكلب بصورة عبقرية متناغمة مع سيمفونية تحطيم الأعصاب .., وأبدأ فى تخيل الإنتقام المدوى المناسب لما أشعر به الآن

.
يبدو أن هتلر إتخذ قراراته بغزو العالم وإعلان الحرب العالمية الثانية وتقضية أوقات الفراغ فى احراق اليهود لأنه مر بصباح كهذا

.
تقطع على أمى كل وسيلة للإنتقام بسحب الغطاء تماما حتى تتخللنى أشعة الشمس القاتلة التى أتجنبها كما يفعل أى مصاص دماء يحترم نفسه وعندها أنظر فى حسرة الى السرير الدافىء وأودعه فى صمت مع وعد بعودة سريعة .., أقوم مترنحا لأصطدم بكل ما يقابلنى .., صدمة فى الكومود لتليها صدمة فى باب الحجرة الذى يسلمنى إلى صدمة أكثر عنفا من سابقتها فى ترابيزة السفرة ثم الاصطدام الأخير بباب الحمام

أتعجب حقا من بقائى على قيد الحياة بعد كل هذه الصدمات الصباحية المتكررة يوميا بصورة تنافس رتابة سيمفونية ايقاظى

.
أخرج من الحمام لأجد أمى وامامها كائن أبيض غريب صرصورى الشكل .. أسألها فى استغراب : مين ده ؟
لترد بسعادة حقيقية : دى فاصوليا بيضا
أنظر للشىء الأبيض وابتسم : أهلا وسهلا .. أحمد فؤاد
ثم أسأل أمى مرة أخرى : ماشى بتعمل ايه هنا .. معزومة عندنا يعنى ؟؟
ترد أمى بفرحة غامرة : هنتغدا بيها النهاردة
أرد بهلع : نتغدا بمين ؟؟ أنا مش قايلكو متدخلوش الكائنات دى البيت

.
لتبدأ أمى بعدها بتعديد المزايا الرهيبة للفاصوليا وفوائدها للقلب والضغط وتقليل نسبة الكوليسترول فى الدم والقضاء على السكر وتحرير الأقصى وتسميد التربة

.
ويبزغ أبى من الفراغ فجأة ليشترك فى الحوار : أنا عارف يا احمد انى مكنتش بدخّلها البيت زمان ومبحبهاش .., بس دى مفيدة جدا يا ابنى
أرد فى هيستريا : مين اللى قالكو كده ؟
يرد أبى برضا عجيب عن النفس : الدكاترة فى التلفزيون .., ثم ان الناس بتاكلها مرتين فى الإسبوع
أرد : ما الناس فى الصين بتاكل الصراصير والبراغيت .., وقبائل الكوكو واوا بتاكل بنى ادمين .., احنا مالنا بالناس .., أبوس ايديكو بلاش
يرد أبى بصورة قاطعة : خلاص هتاكلوها يعنى هتاكلوها .., يبدو أنه كان ينتظر منى أن اقفز من الفرحة وأصرخ فاصولياااااااااااا أحمدك يا رب

.
عرفت عندها أننى لن أتغدى اليوم .., وتركت حوار الفاصوليا دون رجعة فأنا بالتأكيد عندى هموم أكبر
أرتدى ملابسى بسرعة وقبل الخروج تخبرنى أمى ب لستة من أسماء المرضى أقارب زميلاتها فى الشغل وجيرانهم وتسألنى أن أذهب لزيارتهم فى المستشفى
لا أفهم ما السبب .., هى لا تذهب لزيارتهم فهى لا تعرفهم أصلا .., وزميلاتها أيضا لا يذهبون وهم أقاربهم .., لا أفهم لِمَ أذهب أنا ؟؟ .., لترد كالعادة بأن هذه واجبات الطبيب وتعدد ثواب زيارة المريض .., حسنا لا يوجد وقت للنقاش الآن يكفى نقاش الفاصوليا فقد تأخرت على الكورس .., أقبل فى خنوع متناسيا الإستغلال الذى أشعر به

.
يتميز الأهل فى كل مكان ببعض الإستغلال للأبناء عديمى الخبرة بالتخلص من المشاوير الثقيلة على القلب استغلالا لا يخلو من الخبث

.
أخرج حانقا شاعرا شعور المنصوب عليه .., إذا كان هناك وقت مناسب للإنتحار فهذا هو الوقت .., أبحث عن ميكروباص فاضى حتى لا أقف ويقوم الركاب الأعزاء بالاستمتاع بفعص حذائى والتنكيل به كأى برص هائم .., وبينما أنا منتظر تخيلت لو أتى أفلاطون إلى هذا العالم ووقف ليدردش معى قليلا

.
أفلاطون : يا أحمد يا ابنى استحمل الدنيا مش وحشة اوى كده
أنـــا : أنا مستحمل يا عمنا بس الواحد بيزهق ساعات يعنى
أفلاطون : الصبر يا ابنى انت لسه كوكو
أنـــا : كوكو ايه بس .., ادى اللى بناخده منكم تريقة على جيلنا وخلاص

أفلاطون يكح كثيرا ثم يقول : كح كح كح احنا ايامنا كانت خير.., بس احنا كنا رجالة ووقفنا وقفة رجالة ..، ثم يبتسم قائلا : الله يرحمك يا سعاد.. كح كح كح ايه الدخانة دى ، ثم يكمل : وبعدين انت شكلك كده واد سيس وخرع
أنـــــا : ايه سيس دى.. انت بتجيب الكلام ده منين .., احترم نفسك بدل ما اقولك يا فيلسوف
ينظر أفلاطون حوله ثم يقول: ايه الزحمة اللى انتو فيها دى .., مستحملين الدوشة والدخانة دى ازاى
أنـــــــــا : زحمة ايه دى الدنيا كده فاضية .., شفت مش قلتلك هما ساعتين بس تقعدهم هنا وتكره نفسك
أفلاطون : لا يا عم انا ماشى .., انتو مستحملين العيشة فيها ازاى

.
يتركنى أفلاطون مسرعا للهرب من هذه الحياة ولكنه لا ينتبه إلى السيارة القادمة واسمع صوت الفرامل : إيييييييييييييييييييييييييييييييييييء
أبتسم قائلا : الله يرحمك يا افلاطون .. كان راجل طيب

.
يأتى ميكروباص فارغ لحسن الحظ فأترك أفلاطون وأركب سريعا .., يشغل السائق شريطا دينيا على عادة السائقين فى الصباح للاستفتاح .., يبدأ الشيخ فى الصراخ عن مشاكل التدخين وعلاقته بعذاب القبر .. لا أفهم ما العلاقة .., يصرخ الشيخ فبالتأكيد ما يفعله لا يمكن تسميته باسم اخر مع الكثير من المؤثرات الصوتية المخيفة فى الخلفية لبعث الرهبة فى النفوس .. أصوات عواصف ورعود وبعض الناس يصرخون من الهلع فى خلفية الشريط لتمثيل عذاب القبر .. يصيح الشيخ مرة أخرى : انتبهووووووووااااااااا فالموت قرييييييييييب
أصابنى الذعر وقررت أن اتوقف عن التدخين نهائيا .., ولكننى تذكرت أننى لا أدخن اصلا .. يا له من مأزق .. ماذا أفعل إذا لأنجو من عذاب القبر ؟

.
الغريب فى الأمر أننى فوجئت بالسائق يخرج من جيبه سيجارة ويدخن .., والغريب فى الأمر أيضا أنها لم تكن سيجارة بريئة المنظر وانما يبدو أن أحدهم قد هتك بسلامها النفسى ولعب بمحتوياتها وأضاف اليها ما لذ وطاب من مذهبات العقل والدين أيضا .., نظرت إلى ملصق ممنوع التدخين بجواره والى الشريط وقلت : عجبت لك يا وطن

.
أتساءل أحيانا عن سبب الإزدواجية الرهيبة فى بلدنا الحبيب .., ولكن للأسف لا أعرف تحديدا ما هو السبب

.
يتصل بى أحد زملائى ألا أتأخر وأن أذهب بسرعة إلى الراوند فهناك امتحان مفاجىء .., يا للروعة .., بدلا من أن توضع الامتحانات لاختبار المعلومات .., تفتق ذهن العباقرة المفتكس من الدكاترة فى وضع الامتحانات لقياس نسبة الحضور والغياب .., أذهب إلى الراوند لأجد الدكتور منتفخ الأوداج كمن فتح عكا .. سعيداً بنسبة الحضور الصاروخية ., لا يعلم بالتأكيد أن اشاعته التى سربها بأنه سيضع امتحان مفاجىء هى السبب

.
لا ينسى أن يقف فى الطرقة قليلا ليسحل أى طالب حائر وأن يصطاد بعين الصقر أى مريض رماه حظه التعس فى طريقه ليكون مادة للشرح .., حيث يقف المريض أو المريضة المساكين فى وجه جحافل الطلبة الذين يلتفون حولهم كما تتكالب الأكلة على قصعتها .., لا تنجو سحلية مارة بالصدفة فى الطريق حيث يكون المصير الوحيد هو خلع الملابس والفرجة والتفعيص إلى أن يظهر له صاحب

.
تدهشنى قدرة الفقراء على الإحتمال .. فبالرغم من الفقر الشديد وعدم وجود أى متعة فى الحياة .., إلا أنهم وبشكل ما ما زالو يصرون عليها ويصرون على مزاولة استحلاب الألم والمهانة

.
يشرح الدكتور فى عظمة شديدة بعض العمليات الجراحية .. حتى نشعر انه سينفجر فى النهاية من فرط العظمة .., لا ينسى بالطبع ان يحكى لنا كيف قام بعمل العديد من العمليات وهو فى السنة الأولى للكلية .. كيف فعل هذا ؟؟ ..لا تسألنى فالعباقرة من امثاله يمكنهم فعل المستحيل

.
ينظر الينا مرة أخيرة فى قرف ثم يقول : جيل آخر زمن .. على فكرة انتو عيال سيس .. كل واحد يطلع ورقة ويكتب اسمه ورقمه .. امتحاااااااان

تمت

حــداداً على غزة

2008-03-02T23:27:00.004+02:00

فلنبكى جميعاً حداداً على غزة

ولنتشح بالسواد فهو اللون المناسب لقلوبنا

الصورة من مدونة علا من غزة

perhaps .., perhaps.., perhaps

2008-02-23T01:26:00.005+02:00

Doris Day- perhaps,perhaps,perhaps

Get this widget

Track details

eSnips Social DNA

You won't admit you love me.

And so how am I ever to know?

You only tell me

perhaps, perhaps, perhaps.

A million times I've asked you,

and then I ask you over again,

you only answer

perhaps, perhaps, perhaps.

If you can't make your mind up,

we'll never get started.

And I don't wanna wind up

being parted, broken-hearted.

So if you really love me, say yes.

But if you don't, dear, confess.

And please don't tell me

perhaps, perhaps, perhaps.

(Solo Section)

If you can't make your mind up,

we'll never get started.

And I don't wanna wind up

being parted, broken-hearted.

So if you really love me, say yes.

But if you don't, dear, confess.

And please don't tell me

perhaps, perhaps, perhaps,

perhaps, perhaps,

per………….haps

الأغنية دى بجد معلقة فى دماغى بقالها كام يوم بصورة مش طبيعية .., لدرجة انى مشغلها اربعة وعشرين ساعة .., وانا لما بتحصلى لعنة ان اغنية تعلق فى دماغى مبيكونش ليها غير حل واحد علشان ابطل اسمعها .., والحل ده حل شرير شوية .., انى امرر اللعنة لحد تانى .., وقررت إنى امررلكو لعنة الأغنية دى .., ولو علقت فى دماغكو انا مليش دعوة

(فيس شرير نياهاهاهاهاهاهاهاه)

اسمعو الأغنية وادعولى

سـيـدة الحـكـى

2008-01-19T00:25:00.000+02:00

من اللحظة الأولى تأخذك ملامحها القوية .., تلك التجاعيد التى حفرت طريقها على قسمات وجهها لم تنجح أبداً فى إخفاء ما لعينيها من قوة .., ربما نجحت فقط -تلك التجاعيد - فى اخبارك بأنها قد تخطت الثمانين ببضعة أعوام .., لن تنجح قط فى معرفة عمرها الحقيقى .., فهى ككل النساء -وان أضحت لا تنتمى لعالمهم - تحتفظ بتلك المعلومة معها إلى القبر .. تعتقد أنها ما زالت انثى .. ولن تلومها على ذلك

.
يمكنك ببعض الفراسة أن تكتشف أنها كانت جميلة فى ما مضى .., وقت بعيد ربما .., لو لم تكن ممن يمتلكون الفراسة فبإمكانك النظر إلى الصورة القديمة المعلقة خلفها على الجدار لتجد سيدة جميلة تنظر إليك وبجوارها رجل لا يميزه سوى شاربه الرفيع .., يبدو وجههم خاليا من التعبيرات كعادة الصور القديمة .., ستعرف بعد ذلك أنه كان زوجها قبل أن يمارس هواية الرجال المحببة فى الرحيل وتركها وحيدة .., بالتأكيد أقصد بالرحيل هنا الموت وليس الهروب

.
إذا كنت طفلا صغيرا مثلى لم تتعد عامك العاشر بعد فاعلم أنك ضيفا عزيزا يمكنك القدوم إلى بيتها فى أى وقت .., اعلم أنه بانتظارك الكثير والكثير من قطع الحلوى التى تدخرها خصيصا لك - الكراميلة بطعم الزبد - لا يخلو جيبها منها أبداً .., والكثير والكثير من الحكايات التى تتمنى لو تدفع مصروفك كاملا لسماع بعضها .., اطمئن فهى لن تجعلك تدفع مصروفك .., بل ستعطيك النقود لتشترى لها بعض الأشياء والباقى حلال عليك

.
اذا كنت طفلا صغيرا مثلى فاعلم أن الحكى قد خلق من أجلها .., وأنك اذا ما بدأت هى فى سرد الحكايات ستغيب تماما فى عالم من الطيور التى تتحدث والخيول ذات الأجنحة .., عالم أمنا الغولة والجنيات الساحرات .., عالم ينتصر فيه الخير دوما .., اذا لم تكن تؤمن بالأساطير فلا تأتى ..,اذا لم تكن تؤمن بوجود الجنيات الساحرات وبلاد الواق الواق فلا تأتى .., فنظرة واحدة إلى عينيها حين تحكى وتصبح من أشد المؤمنين .., اذا كنت تخشى هذا فنصيحتى لك .. ألا تأتى

.
تأكد حين تأتى أنك قد تركت آخر خيوط الشمس وراءك .., بعد المغيب تبدأ فى الحكى .., إذا كانت هذه مرتك الأولى فلتجلس اذن على الأريكة المقابلة لها .., لا تجلس على الكرسى فى هذا الركن .., لن يعجبك فعل المسامير فى ملابسك الجديدة .., ولا تجلس - طبعا - على الأريكة بجوارها .., فعندها ستفقد أكبر متعة للحكى .. وهى رؤيتها .., ستجلس اذن أمامها لا يفصلك عنها سوى تلك المنضدة الصغيرة وأدوات صنع القهوة والسبرتاية القديمة .., ستبدأ فى صنع القهوة أولاً .., ومع أول رشفة تبدأ فى الحكى

.
إذا كانت هذه مرتك الأولى فهناك الكثير والكثير مما يجب أن تعرفه عنها .., ربما تحكى هى بعضا منه .., ولكنها لن تحكى كل شىء .., لن تحكى مثلاً أنها تخاف من الموت .., تتعجب أنت الآن .., من هم فى مثل عمرها .., من هم فى مثل وحدتها يتمنون الموت والخلاص من هذه الحياة .., ولكنها أبدا لا تتمنى ذلك .., نضحك جميعا حين يبدأ المنادى بنعى أحدهم .., لا نضحك بالتأكيد لموت أحدهم ولكننا نضحك حين نراها تفعل ما تفعل .., حين نراها تشيح بيدها و تنهر المنادى صائحة بأن ينادى فى مكان آخر .., وكأنما مجرد ذكر الموت أمامها يرعبها .., وحينها تقوم وتغسل وجهها ويدها بالصابون وكأنما تغسل أثر الموت المقترب .., وتتناول قرصا من الأسبرين تخرجه دوما من كيسها الذى لا يخلو منه .., وعندها لا يمكنها اكمال الحكى .., فالمزاج تعكر

.
لن تحكى أبداً سبب وحدتها الآن .., لن تحكى عن أبنائها .., لن تحكى عن تركهم إياها وحيدة .., لن تحكى عن كبيرهم المسافر أبداً ودوماً .., ولا عن صغيرهم الذى لحق به .., لن تحكى عن أحفادها .., تعلم أن لها أحفادا .., ولكنها لم ترهم من قبل .., لن تحكى كل ذلك .., حتى لا تصيبها الغُصّة مرة أخرى .., وتتوقف عن الحكى لأن .. المزاج تعكر .., لن تحكى كل ذلك وبالطبع لن تسألها أنت

.
يمكنك أن تسألها عن ذلك العُقد الذى ترتديه والذى ترفض خلعه أبداً .., حينها ستبتسم كما لم تفعل من قبل .., تسرح قليلاً دون أن تفارقها الابتسامة قبل أن تخبرك عنه .., عن زوجها الراحل .., أو فارسها كما تلقبه .., حبيبها الوحيد فى هذه الحياة وما بعدها أيضاً .., ذلك الحبيب الذى ضحى بالكثير من أجلها .., والذى علمها معنى الحكى .., ستحكى عنه كثيراً .., ربما ستلاحظ تلك الدمعة التى تنسل من بين جفنيها لتعانق ابتسامتها .., وربما لن تلحظها من مرتك الأولى .., عندها إذا نظرت لتلك الصورة القديمة بالأبيض والأسود المعلقة فوقها ستبدو لك مليئة بالحياة .., ولن يبدو وجههم خالياً من التعبيرات كما رأيته أول مرة

.
اذا كنت طفلاً صغيراً مثلى وأردت أن تأتى فلن تُلزمك بشىء .., فقط هى لها رجاء واحد .., أن تأتى كل يوم .., ستعطيك الحلوى كل يوم - الكراميلة بالزبد - المفضلة لك .., ستعطيك النقود ويكون الباقى حلال عليك .., ستعطيك الحكايات كما لم تسمعها من قبل .., وستعطيك عالماً لم تره من قبل .., حيث الخير ينتصر دوماً فى النهاية .., ستعطيك كل شىء .., دون مقابل .., رجاؤها الوحيد .. أن تأتى كل يوم

تمت

عزيزتى .. شكراً لاحتمالى

2008-01-05T10:38:00.000+02:00

/مدونتى الغالية

صباحك سكر .., النهاردة أول مرة نحتفل فيها سوا بعيد ميلادك .., والنهاردة أول مرة أعترفلك فيها أنا بحبك قد ايه .., فى يوم زى ده أنا اعترفت بحبها .., بس لسه مقلتلكيش أنا بحبك قد ايه .., زى ما يكون اليوم ده هيفضل مرتبط معايا بالاعتراف بالحب .., وزى ما يكون اليوم ده دايما بيعرفنى انا بحب مين بجد ومقدرش استغنى عن مين بجد

مش شايفة انها صدفة حلوة لما يكون اليوم واحد .., مش شايفة انها صدفة حلوة لما يكون اول بوست فى السنة الجديدة .., هو احتفالى بعيد ميلادك .., يمكن تكون كل دى صدف حلوة .., بس اللى أكيد مش صدفة هوا انك جيتيلى فى وقت كنت محتاجلك أوى فيه .., وقت كنت بدأت اتوه عن نفسى الحقيقية .., وقت كنت بدأت فيه أفقد الثقة فى حاجات كتيير اوى .., كنت فاكرها ماتت جوايا .., جيتى انتى وبشكل درامى قلبتى كل حاجة .., قلبتى الضعف .. قوة .., وقلبتى اليأس .. أمل

مش شايفة انك اديتينى كتير أوى .., من غير حتى ما اطلب .., تعرفى انك كنتى السبب فى كل لحظة حلوة انا عايشها دلوقتى .., انا مقلتلكيش قبل كده انك كنتى السبب انى دلوقتى بحب .., زعلانة منى مش كده ؟!! .., زعلانة انى عشت حاجات كتير ومشاركتكيش فيها زى ما كنت بعمل زمان .., انا عارف انى بعدت عنك شوية ومبقتش اجى عندك زى ما كنت بعمل زمان .., انتى عارفة ان الدنيا صعبة وبتبعد الناس دايما عن كل حاجة بيحبوها .., وعارفة كمان انى مقدرش استغنى عنك ومهما بعدت .., دايما برجعلك

لسه زعلانة ؟؟ .., طب انا هقولك على حاجة تفرحك .., مش انا كنت خايف اوى من السنة اللى فاتت وكنت بشتكيلك واقولك صعبة وانى خايف اوى منها .., وبعدت عنك كتير علشان كنت بذاكر .., فاكرة الايام دى مش كده .., الحمد لله بقى الايام دى عدت على خير ونجحت وجبت امتياز كمان .., ... فرحتى اوى ؟؟ .., انا عارف طبعا انك هتفرحيلى كتيير .., بتقولى ايه ؟؟ .., أنا ندل انى مجتش فرحتك من زمان ؟؟.., ههههههه .., ماشى يا ستى .., مقبولة منك .., بس وعد بجد انى هفرحك دايما بعد كده ومش هبعد تانى

عارفة .., فى السنة اللى عدت من عمرك دى حصلت حاجات كتيير اوى .., انتى اكيد عارفاها .., ما انتى دايما جوايا .., حتى لو مجتش وحكيتلك هنا ., بحكيلك بينى وبينك .., كنت احس ان حياتى فاضية زمان .., بس من يوم ما بقينا سوا .., اليوم ده كان زى النهاردة .., يومها خدت قرار .., ان حياتى متبقاش فاضية تانى .., خدت قرار انى ابطل اخاف من اللى جوايا .., او اتكسف منه .., خدت قرار انى أعيش بكل ما فيا .., واحبنى .., ومن يومها وانا ماشى على عهدى معاكى .., ومن يومها وانا شايف ان حياتى بقت احسن

كل سنة وانتى طيبة .., وكل سنة واحنا سوا

مدونتى العزيزة

انا بحبك اوى............................

أحـــمد فــــؤاد

بـــــوتــو

2007-12-27T23:56:00.000+02:00

بسم الله الرحمن الرحيم

الْحَمْدُ للّهِ رَبِّ الْعَالَمِينَ * الرَّحْمنِ الرَّحِيمِ * مَلِكِ يَوْمِ الدِّينِ * إِيَّاكَ نَعْبُدُ وإِيَّاكَ نَسْتَعِينُ * اهدِنَا الصِّرَاطَ المُستَقِيمَ * صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ

صدق الله العظيم

___________________

لم أندهش حين سمعت الخبر .., فللأسف ويحزننى أن أقول هذا .. كنت اتوقعه .. اعتدنا أن يكرر التاريخ نفسه .. ولكن لهذه الدرجة ؟؟

ما يدهشنى فقط إلى الان هو ..كيف يكون الناس بهذا الغباء ؟

كيف يتوقع أحدهم أن يدخل الجنة بعد أن يقتل ويفجر نفسه ؟

ويا بوتو كيف تصدقين يوماً وعود الطغاة ؟؟؟ ؟

هل صَدَقو يوماً ؟؟؟

رحمك الله

إزاى تعرف ؟؟

2007-11-15T13:02:00.000+02:00

إزاى تعرف لما تحب

إن حبيبك آخر أملك

؟؟

جنة وكنت بتحلم بيها

؟؟

حلم بإنك تعشق عمرك

راح يتحقق ؟؟

كلمة تقولها فى لحظة شوق

وبتتصدق ؟؟

!إزاى تعرف ؟

لمّا تلاقى النجمة السارحة

فى عز الضلمة

جوه عنيها

بتنورلك

وامّا تلاقى الحضن الدافى

وسط الغربة

ملك ايديها

وبيندهلك

لمّا تلاقى

إن خيالك ويّا خيالها

وردة بتقسم روحها اتنين

وامّا تلاقى

إن رموشك ويّا رموشها

ضحكة بتجمع بين قلبين

وامّا تلاقى

إن سنينك ويّا سنينها

جنة كبيرة

عايشين فيها انتو الاتنين

!لِسّه بتسأل ؟

لمّا فى يوم تصحى من النوم

تلقى مَلاكَــــك

نايم جنبك

زى الوردة

زى النسمة

زى مَلاكَـــك

لمّا تقوم مرة من النوم

تلقاه جنبك

تفضل خايف تعمل حاجة

لَتصحيها

هتكون شايف لون الورد

بيغطيها

هيكون نِفسك

لو تتجمد بيك اللحظة

تفضل عينك

حاضنة حبيبتك

بتدفيها

!لِسّه بتسأل ؟

!!إزاى تعرف ؟

يومها هتعرف

إنك عارف

وبتستعبط

منــور يا شــرارة

2007-11-09T21:36:00.000+02:00

للمرة الثانية يثبت شرارة أن تأثيره قاطع ماحق صاعق مدوى فظيييييييييع ويأتى تأثيره الدرامى على مجريات الأحداث ليُضيع مجهود أبطال الأهلى فى الفترة السابقة ولكى يؤكد بما لا يدع مجالا للشك أن الأهلاوية أفضل بكثير بدون طلته البهية المباركة

********

الجزيرة للأسرار

تعتدل المذيعة على الكرسى ثم تقوم بترتيب أوراقها .., ثم تعدل من وضع النظارة .., تهرش قليلا فى شعرها .., ثم تقوم بتعديل وضع الباروكة .. قبل ان يخبرها المخرج أن باقى خمس ثوان على بدأ البث المباشر .., تنظر إلى الكاميرا نظرة شريرة ثم تبدأ فى سرد الأخبار

" هذا وقد قام الأهلاوية بمحاولة بائسة للتخلص من شرارة بعد أحداث المباراة المأساوية ولكن العجيب أن شرارة قد اختفى من الملعب وذلك قبل أن يطلق الحكم بصفارة نهاية هذه المأساة .., ولذلك قام الأهلاوية باحتجاز زوجته كرهينة وقد أعلن مصدر أهلاوى مسؤل أن الاحتجاز سيستمر حتى يصدر شرارة بيانا رسميا بعدم حضور أى ماتشات حيوية للنادى وحتى لا يهرب خارج البلاد "

وقد نما إلى علمنا من مراسلتنا باستاد المنيرة الدولى أن الأهلاوية قد قامو بصنع كمائن عديدة خارج نطاق الاستاد وذلك قبل بداية المباراة لاكتشاف أى شرارة يحاول الدخول .., وبعد ان اطمئن الجميع لعدم وجود أى شرارة .., تحدث الكارثة حين يكتشف الجميع وجود شرارة الأعظم وحرمه بين الصفوف .., وتفشل جهودهم فى اخراجه من الملعب بأى وسيلة قبل بدء المباراة .., يقف الجميع ناظرين الى السماء ويتحدون جميعا فى مناجاة الله ان يحمى الأهلى من الكارثة المتوقعة ..,بينما يسقط البعض مغشيا عليه من هول الموقف .., وتذهب تضرعات الجميع أدراج الرياح وتحدث المأساة فلن يستطيع أحد من منع شرارة من الحضور .., ومع كل هدف يهز شباك الأهلى تصرخ الجماهير فى الاستاد وامام التلفاز بصيحة واحدة ترج أرجاء المعمورة .. " منور يا شرارة

************

إعلان هام

يعلن الحاج مرسى قزايز صاحب مقهى الزعيم تضامنه التام مع شرارة فى حربه ضد الأهلاوية كما يعلن عن استعداد المقهى لتوصيل الطلبات للمنازل

" كافيتريا الزعيم تساند الزعيم شرارة بكل حرارة .. اطلب شاى بحليب يوصلك لحد البيت"

***********

برنامج البيض بيضك

تعلن أسرة البرنامج تكاتف الدولة شعبا وحكومة مع شرارة كما يعلن تامر بكل مسؤلية وصراحة شديدة فى التعبير أن

...

ليس لشرارة أى دور فى هزيمة الأهلى من قريب أو بعيد وأن أى شخص تسول له نفسه بالتطاول على شرارة فأنا كفيل بالتصدى له .., نذكر الجميع بأرقام تليفونات البرنامج لكى يتصل الجميع وليدلى كل برأيه ..كما نذكر الجميع أيضا بأن وزير الداخلية يشاهد البرنامج .., كما نحيط علم السادة المشاهدين بأن أرقام التليفونات يتم التحرى عنها بفرع امن الدولة التابع للبرنامج

***********

إعلان تانى

يعلن حمامة فون للاتصالات بمبايعة شرارة فى كل وقت وفى كل زمان وتحت أى ظروف ..كما توجد كروت شحن جميع الفئات بدون ضرائب وبدون مصاريف ادارية

شرارة زعيم فى الجون .. اشحن عالهوا مع حمامة فون

***********

اخر إعلان

يعلن شرارة شخصيا بأنه لو ثبت تورطه فى هزيمة الأهلى لكان قد استقال على الفور .., وانه لا ذنب له اطلاقا فى ما حدث .., وبأنه يعمل جادا على معرفة الأسباب وراء الهزيمة كما علق سيادته قائلا

...

أنا مليش دعوة باللى حصل .. الحكم هو السبب ... ايوة هو الحكم .. ورحمة النعمة ودينى وما أعبد هو الحكم

التــــــاج السلــطــانى

2007-10-22T17:10:00.000+02:00

التاج المرة دى جالى من مـــــــــــــى والجديد فى التاج ان هيا اللى مألفاه

التاج حلو فعلا وأسئلته لذيذة جدا .., إتأخرت كتير فى الاجابة بس المهم انى جاوبته

شكرا يا مى عالتاج .., ونبدأ على طول فى التاج اللى بيقول

لو قالولك اختار عصر من عصور مصر علشان تعيش فيه ...تختار اى عصر و فى عهد اى حاكم ؟؟ اشمعنى العصر ده؟؟

اممممممم .., سؤال جميل .., انا لو هختار كنت هختار عصر محمد على باشا

اللى يدقق فى العصر ده هيكتشف ان فيه حاجات كتير الواحد كان بيحلم بيها .., اول حاجة ان الشعب هو اللى اختار محمد على .., الشعب هو اللى عزل الوالى العثمانى خورشيد باشا وعين مكانه محمد على والى على مصر .., وده من اول مبادىء الديمقراطية .., ان الشعب هو اللى يحدد مين يحكمه

تانى حاجة ان محمد على كان قائد ذكى جدا وكان عارف قيمة مصر وعلشان كده بدأ فى خطته انه يخلى مصر تستعيد ريادتها وتستعيد هيبتها .., بنى جيش قوى .., فتح الطريق قدام نهضة كانت مصر محتاجاها فى الوقت ده .., كان مؤمن جدا بفايدة التعليم فى رفع الامم .., الراجل ده كان بيحب مصر فعلا وكان مؤمن بيها .., والنهضة الحقيقية فى كل المجالات تقريبا بدأت فى عصره

اول اولويه فى حياتك...عيلتك ...شغلك و لا اصحابك؟؟؟

الاولويات بتختلف حسب التوقيت .., بمعنى ان اللى محتاجنى اكتر المفروض اكون جنبه وقتها .., وبمعنى تانى انى مثلا ممكن يكون عندى امتحان تانى يوم وحد من العيلة يكون عايزنى فى طلب ممكن يتأجل فأكيد ساعتها هتكون الاولوية للمذاكرة اللى هيا شغلى .., الموضوع نسبى جداا وفيه كلام كتير

ايه اكتر حاجه بتحبها فى رمضان؟؟؟؟

هتستغربى لو قلتلك ريحته .., بحس ان رمضان بيكون له ريحة مميزة بحبها جدا ., مش شرط تتشم .., هيا حاجة بتتحس .., خليط من ذكريات جميلة عشناها كلنا فى رمضان ., قرب من ربنا وطمع فى العتق من النار .., جو جميل بالذات عندنا هنا فى مصر ..,شعور بالتسامح وحب الخير .., يمكن محستش بمعظم الحاجات دى السنة دى لانى كنت بمتحن .., بس ربنا يحيينا لرمضان الجاى علشان ارجع احس بيه زى زمان

اوصف ليا اجمل فطار ممكن تفطره

ده انا المفروض احكى انواع الاكل ولا ايه كده يبقى مش هنخلص النهاردة :)

لا انا هتكلم ان احلى فطار افطره هيكون اول فطار ليا فى بيتى انا مع الانسانة اللى بحبها ..., هيكون اول رمضان لينا سوا فى بيتنا .., اول يوم نفطر فيه سوا وندعى لبعض .., اول فطار من ايديها .., اول يوم ادخل عليها المطبخ واطمن عالاكل بعد ما كنت بدخل على ماما اللى اكيد زهقت من مضايقتى ليها كل يوم قبل الفطار .., اكيد ده هيكون احلى فطار

لو انت حاكم على مجموعه من الافراد هتكون عادل؟؟؟ طب هتعمل ايه علشان تتاكد انك حاكم عادل؟؟؟

الاجابة صعبة طبعا .., انا هحاول على قدر المستطاع وهخلى الحكم ان كنت عادل ولا لأه للمجموعة اللى هكون حاكم عليها .., ويوم ما احس انهم بيمدحونى وخايفين ينقدونى هعرف ساعتها انى حاكم ظالم

قال الحسن البصري في وصف الحاكم العادل: إن الله جعل الإمام العادل قوام كل مائل وقصد كل جائر وصلاح كل فاسد وقوة كل ضعيف ونصفة لكل مظلوم ومفزع كل ملهوف، وهو القائم بين الله وبين عباده، يسمع كلام الله ويسمعهم، وينظر إلى الله ويريهم،وينقاد إلى الله ويقودهم، وهو كالعبد الذي ائتمنه سيده وإستحفظه ماله وعياله، وهو الذي لا يحكم في عباد الله بحكم الجاهلية ولا يسلك بهم سبيل الظالمين، ولا يسلط المستكبرين على المستضعفين، فهو وصي اليتامى وخازن المساكين يربي صغيرهم ويمون كبيرهم

اللى بيبوظ الحكام ...نفسهم و لا الشعب و لا الحاشيه المقربه؟؟؟

انا فى رأيى ان اكتر حاجة بتبوظ الحاكم هى ان يكون شعبه جبان او جاهل .., لان الشعب الجبان بيخاف يدافع عن حقه والشعب الجاهل ميعرفش اصلا ايه هو حقه

مين اكتر اعلامى مصرى بتحترمه؟؟؟

وائل الابراشى من اكتر الصحفيين والاعلاميين اللى بحس فعلا انهم محترمين ومش مستنيين حاجة من حد

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه؟؟لو اه ايه رايك فيه؟؟

الصراحة مقريتوش لسه بس هقراه ان شاء الله فى اقرب وقت

ده اعلان ده ولا ايه

;)

لو ممكن تشتغل شغلانه تانيه غير اللى انت بتشتغلها او هتشتغلها كنت تتمنى تبقى ايه؟؟؟

حاجات كتيييير .., يعنى مثلا زمان كان نفسى ابقى طيار

دلوقتى نفسى ابقى كاتب روايات .., كلها احلام وقتية لذيذة وبعدين برجع للواقع انى هبقى دكتور فبحلم ابقى دكتور كبير واكون كويس فى الحاجة اللى انا هختارها .. بس

تانى بلد تتمنى تعيش فيه بعد مصر ايه؟؟؟

المدينة المنورة .., اتمنى ان اخر جزء فى حياتى اقضيه هناك

اوصف ليا ترتيبات اجمل فرح ممكن تحضره

امممممم ., الحاجات دى البنات بيفهمو فيها اكتر :)

بس انا بالنسبة لى الفرح بيبقى حلو لما الناس اللى حاضرين فيه يكونو حلوين وبيحبو بعض .., مش يكون اهل العروسة كارهين اهل العريس واهل العريس مش طايقين اهل العروسة والعروسة مش طايقة العريس والمعازيم كارهين بعض .., الفرح ده لو اتعمل فى احلى فنادق الدنيا واحسن ترتيبات .., اكيد هيكون فرح بايخ جدا ودمه تقيل

انما الفرح لما يكون لاتنين بيحبو بعض وعارفين ان دى اول لايلة فى بداية عمرهم اللى جى ونفسهم يبدأوها صح .., اكيد هيكون فرح رائع

اكيد لما يكونو عارفين ده هيحاولو ميعملوش حاجات تغضب ربنا ومش هيروحو يجيبو رقاصة علشان تحييلهم الفرح

والقاعدة اللى بحبها فى كل حياتى ان البساطة فى كل حاجة بتحليها

بتراعى كلام الناس و القيل و القال؟؟؟ لو اه او لو لا قلى ليه؟؟؟

أكيد فى اوقات كتير براعى كلام الناس لما يكونو بيتكلمو فى حاجة صح .., يعنى احنا عايشين فى مجتمع بيقبل تصرفات معينة وميقبلش تصرفات تانية لانها اما منافية للدين او للذوق .., فى الحالة دى انا هحترم كلامهم لما يعلقو على حاجة معينة .., انما لما يكون كلامهم قائم على تجريح الاخرين او الانقاص من حريتهم او لمجرد الحقد فانا ساعتها هضرب بكلامهم اقرب حيطة .., واقول الكلمة المفضلة

طـــظ

لان الناس فى اوقات كتير بيبقو مجرد غوغاء يتكلمو فى حاجات ميفهموش فيها حاجة ابقى انا غلطان ساعتها لو خفت على كلامهم او سمعتله حتى

صحيت ملقتش الموبايل و لا الكومبيوتر و لا الكاميرا الديجتال و لقيتنا رجعنا لعصر الحمام الزاجل و الحصنه هتكون سعيد؟؟؟

هتخنق جداااااااااااااااااااا

وهنام تانى علشان اصحى والاقى الحاجات دى

دى تقريبا بقت من مقومات الحياة فى وقتنا ده

السعاده هى.....؟

الرضا بما قسمه الله والوثوق بأن الرزق بيد الله .., وتقبل القدر خيره وشره بقولة الحمد لله

عندك امل؟؟؟ اسبابك؟؟؟

اه طبعا

اسبابى ايمانى بربنا .., لانه شايفلى الخير فين وهيهدينى ليه .., ولانى لو كنت شايف ان المشكلة اللى حصلتلى فى وقت معين ..لو كنت شايفها حاجة وحشة .., هييجى الوقت اللى اكتشف فيه انها كانت لمصلحتى .., يبقى لازم اكون واثق فى ان ربنا مش عايزلى غير الخير

لازم يكون عندى أمل علشان ربنا لا يضيع أجر من احسن عملا

لما بتحب تهرب من كل شىء بتروح فين؟؟؟؟

زمان لما كنت احب اهرب من حاجة كنت اجرى على اوضتى .., انزل تحت البطانية .., اغمض عينى .., لازم ميكونش باين منى حاجة .., لو رجلى بانت مثلا من تحت البطانية يبقى كده الهروب باظ .., الحماية التامة لما اكون كلى متغطى

بعد كده الهروب بقى متمثل عندى فى كلمة واحدة

اسكندرية

مشوار بعييد بالقطر او بالعربية بحس انى رميت كل همومى ومشاكلى ورا ضهرى

اقعد بالليل عالبحر واغمض عينى .., اغسل صدرى بهوا البحر

انظم افكارى وافكر بشكل تانى وارجع وانا حليت كل مشاكلى او حتى نسيتها

امتى اول مره خدت فيها نفس طويل كده و قلت بينك و بين نفسك " ياااه اظاهر ان انا فعلا كبرت" ؟

لما دخلت الجامعة وبصيت للناس اللى داخلين جديد واكتشفت ان انا اكبر واحد موجود وان اللى قدى خلصو وفيهم اللى اتجوزو كمان وانا لسه بدرس .., اكتشفت ان انا كبرت فعلا

مع انى كنت لسه لوقت قريب لما اجى افكر فى نفسى افكر فى نفسى كأنى طفل صغير محتاج يلعب ويتنطط

يمكن لانى لحد وقت قريب كنت عايز الزمن يقف ومكبرش تانى علشان خايف من مسؤليات الكبار وتعبهم

الظاهر ان انا كبرت فعلا

لما بتعمل عمل خيرى بيكون ايه هو دافعك الاول؟؟؟

ان ربنا يعوضنى عنه خير فى الجنة .., الهدف التانى اسعاد الحد اللى انا بعمله العمل ده سواء كان طفل معاق او يتيم بروح العب معاه شوية او ام غلبانة ببيعلها هدوم لبناتها بسعر رمزى او مريض بنزوره فى مستشفى بيبقى الهدف ساعتها اننا نفرحهم

بتشرب سجائر؟؟؟ لو الاجابه اه ايه شعورك لو شفت ست بتشرب سجاير؟؟؟ ليه؟؟؟

لأ طبعا

بما انى مبشربش فمش هجاوب السؤال تانى

بس انا لما بشوف واحد بيشرب سجاير بقرف منه

لما تكون ست بقرف منها اكتر

مش علشان اسقاطات ذكورية جوايا والكلام الفاضى ده

انما علشان شكلها بيبقى مقرف فعلا

بتعرف ايدك اليمين من الشمال ازاى؟؟؟؟

هههههههههه

سؤال جميل

بحس ان ايدى الشمال أرق من ايدى اليمين

يمكن علشان مبستخدمهاش كتير

كمان ايدى اليمين هيا اللى بتدخل اسهل فى جيبى اليمين .., وجيبى اليمين بقى هوا اللى بيكون فيه الموبايل

فبعرفها بقى كده علشان المفاتيح بتبقى فى جيبى الشمال اللى هو ناحية ايدى الشمال

انما لو بتدورى عالمحفظة فدى بتبقى فى جيبى اللى ورا ومش هتخدمنا فى الحكاية دى

ايه اكتر آله موسيقيه بتحبها؟؟

البيانو

كنت اتمنى ابقى عازف بيانو

حتى صوابع يدى طويلة زى اللى بيعزفو بيانو

لو شفتى بيانو ابقى قوليله انى بحبه بقى

ويا ريت تخليه يمضيلى على اى حاجة

فى رايك ليه الذوق و النخوه انعدموا؟؟؟؟

هو التاج طول كده ليه ؟

احم احم نجاوب عالسؤال

مين قال انهم انعدمو

موجودين والله بس انتى مش واخدة بالك

بس يمكن قلو عن زمان

وبتبقى حسب التربية

انا مثلا ممكن اعدلك كام واحد اعرفه عنده شوية ذوق

وكام حد كمان عندهم شوية نخوة

ايه الحاجه اللى لو حصلتلك تبقى سعيد اوى؟؟؟

ان ربنا يجمعنى على خير بالبنت اللى قلبى اختارها

مش هبقى سعيد اوى بس

هبقى سعيد جدااااااااااا

خاااااااااااااااااالص

مااااااااااااااااااالص

تختار يبقى عندك...ارض زراعيه و لا اجنس عربيات و لا كام عماره و لا فلوس فى البنك؟؟؟؟

أختار ابقى عايش مبسوط .., مع واحدة بحبها .., مرتبى مكفينا احنا الاتنين ومعيشنا عيشة محترمة .., عندى عربية معقولة وبيت على مزاجى

بس مش اكتر

واحد صاحبى لما سألته نفسك فى ايه قالى على حاجات زى اللى قلتهالك دى

طلعتله انا لسانى وقلتله ابقى قابلنى يا بنى

انت كده تروح الجنة أسهل

البحر و لا النيل؟؟؟

البحر

مركب ولا طيارة ؟

طيارة

لانى بخاف انى اكون وسط البحر بالليل وانا مبعرفش اعوم كويس

حد ظريف بقى يقولى افرض الطيارة وقعت بيك فى البحر بالليل

هقوله ابقى انا فقر واستاهل اكتر من كده

مجنون و لا عاقل؟؟

عاقل أتمتع ببعض الجنون

تقرى كتاب و لا تتفرج عليه فيلم؟؟؟

أقراه كتاب طبعا

خيالى هيكون أفضل من أفضل انتاج

ودماغى هتكون احسن من احسن مخرج

نمرره لمين بقى ؟؟

عماد صاحب قنديل ام هاشم واول تاج ليه .., إسراء الاميرة المفقودة ..,سها رايفندل .., علا من غزة .., طبعا طبعا حبيبى أحمد مبرمج حر .., مى خاطر لانها مجاوبتش التاج اللى ألفته ..هع هع هع .., جوسى فوكيرة .., تسنيم وحكايات من القلب ..,تعبت بجد .., ابيتاف ..,ريموو .., ما عليناا ..,شيماء الصراحة خنقة ..,يا مراكبى معملش تاجات من زمان ..,نوران لو مكانتش عملته ..,سهر الليالىِ

عن عماد و...قنديل أم هاشـم

2007-10-08T16:11:00.000+02:00

عن عماد أتحدث .. , عن ذلك الطفل الذى رأيته للمرة الأولى منذ أكثر من اثنتى عشرة عاما .., ليتأكد كل منا - ببصيرة الأطفال النافذة - أنه قد وجد صديق عمره .., ببساطة الأطفال التقينا .., وبحكمة الكبار صرنا كلاً واحدا .., لا يفرق بيننا شيئا وان عظم

.
عن عماد أتحدث ..,عن طفل صغير يأسرك بابتسامته .., وبدون أن تشعر تكتشف أنه قد تربع بداخلك ليصبح من أحب الناس إلى نفسك .., تلك هيا أكبر مواهبه .., وأقربها الى نفسى .., تلك القدرة الغريبة على التخلل فى ثناياك .., والاقتراب من ضوء روحك الذى ما ان يلمسه أحد ..,حتى تغرم به على الفور

عن عماد أتحدث .., ذلك الطفل الكبير .., نحلم سويا بأحلام واحدة .., طموحات واحدة .., يتحقق حلم تلو الاخر .., أتذكر كيف كانت رغبتنا الشديدة فى أن نصبح أطباء .., ذلك اليقين القوى .., تتعجب أن تراه بداخل طفل فى الصف الرابع الابتدائى .., يعلم جيدا وبكل بساطة .., أننا سنكون أطباء يوما ما

أتذكر يوم نتيجة الثانوية العامة .., نعرف النتيجة فجرا .., ينزل كلا منا ليعانق الاخر .., نتمشى فى الشوارع الفارغة

فرحين بتحقق أول حلم لنا سويا

ذكريات الطفولة بين أخيك وبينك

حسُّكما - فجأةً - بالرجولةِ

هذا الحياء الذي يكبت الشوق.. حين تعانقُهُ

الصمتُ - مبتسمين - لتأنيب أمكما

وكأنكما

ما تزالان طفلين

يعلم كلا منا أنه فى مأمن طالما أن الاخر موجود .., نتعلم الكثير سويا .., لا أذكر أننى قرأت كتابا لم يقرأه .., أو شاهدت شيئا لا يعرفه .., تلك الثقة المطلقة فى وجود أنا اخر تشعرنى بالطمأنينة

تلك الطمأنينة الأبدية بينكما

أنَّ سيفانِ سيفَكَ

صوتانِ صوتَكَ

أنك إن متَّ:للبيت ربٌّ

وللطفل أبْ

.
عن عماد أتحدث ., ولكننى لا أجد ما أقوله .., ذلك الصمت الذى يصيبنى حينما يأتى ذكره
ليس لأننى لا أجد ما أقوله .., ولكن لأننى أعلم حق العلم .., أننى ومهما قلت .., لن أقول ما أشعر به حقا
.
افتتح عماد مدونته الجديدة .., وسماها قنديل أم هاشم
اختار عماد هذا الأسم لعشقه الشديد للماضى .., لعشقه لكل ما هو أصيل .., لعشقه للرسم والخط العربى ., ويحيى حقى وأغانى عبد المطلب .., وبروح الفنان داخله أعلم علم اليقين بأنها ستكون مدونة رائعة .., تماما مثله
.
قنديــل أم هـاشــم مدونة الصديق الرائع جاهزة لاستقبال الزوار
.
الأجزاء باللون الأحمر من قصيدة لا تصالح لأمل دنقل

اللهم تقبل منا رمضان

2007-09-13T04:16:00.000+02:00

________________________

على الهامش

ما زال تيار الامتحانات مستمرا .., تقريبا انتهت اختبارات الباطنة العامة .., يتبقى امتحان الجلدية والأشعة لتنتهى الباطنة العامة الى غير رجعة .., وبعدها أبدأ فى امتحانات الأطفال التى تنتهى فى اليوم الأخير من رمضان

شكرا للجميع .., من قال لى كل عام وانت بخير بمناسبة عيد ميلادى .., ومن دعا لى بسهولة الامتحانات .., أحسست بدعائكم جميعا معى .., وبمن سأل للإطمئنان على

بالتأكيد انا مقصر فى حق الجميع .., ولكنها فترة وستنقضى بإذن الله

كل عام وأنتم جميعا بخير .., رمضان كريم على الجميع ., والله أكرم من الكل .

إبريق الشاى

2007-08-13T15:41:00.000+03:00

وحشتونى جدا جدا

عارف انى بقالى كتير مجتش هنا ولا نزلت حاجة .., بس اعذرونى يا اخوانا .., الغيبة هتطول شوية

امتحان الباطنة العامة كمان اسبوعين .., انا قلت اجى اعرفكم ان انا لسه عايش

ومتشكر جدا لكل اللى بيسألو عليا

محبتش اجيلكم وايدى فاضية

الأغنية دى كنت بحبها أوى وانا صغير .., وفرحت لما لقيتها أوى

ربنا يخليلنا اليــو تـيـوب .., الأغنية اسمها أبريق الشاى للفنان سيد الملاح الله يرحمه

أكيد كلكم طبعا عارفينها .., احنا الجيل المحظوظ اللى لحق الحاجات دى

أما جيل دلوقتى فربنا يتولاهم برحمته بقى .., جيل ليييك الواوا مع الأخت الفاضلة هيفاء وهبى والأخت العزيزة نانسى عجرم أعزهم الله

مش هوصيكم بقى يا جماعة انكم تدعولى كتير ولما أرجع ان شاء الله من الامتحانات لو ربنا أحيانى هحكيلكم عاللى هيتعمل فيا فى الامتحانات فى اليومين الجايين دول ..,أكيد اللى هيتعمل فيا ميتحكيش .., بس انتو مش أغراب برضه

يللا هتوحشونى كتييير

سلامات

مــيــكـــانـــــو

2007-07-19T02:42:00.000+03:00

مساء آخر .. أجلس فى حجرتى كالعادة .. أذاكر كالعادة
حين يصبح كل شىء كالعادة ..تصبح الحياة لا تطاق .. يعرف ما أقول كل من يضطر للمذاكرة فى هذا الوقت من العام

.
أقف فى المطبخ على غير العادة لاعداد كوبا من القهوة الأثيرة .., غالبا ما تعدها أمى .., ولكننى أشعر بحاجتى لتغيير جو المذاكرة بفعل أى شىء

.
قهوتنا بالحبهان .., أحبها كثيرا .., لكى أكون صريحا أحب رائحة القهوة أكثر من طعمها .., أضيف قليلا من القرنفل إلى القهوة .., يعطيها نكهة مميزة

.
قليلا من السكر وتصبح القهوة جاهزة للتسخين .., أضع السكر وأقلب .., أستدعى من الذاكرة موسيقى أوبرا كارمن .., أتخيل أننى المايسترو .., تهتز يدى بالملعقة على النغمات الموسيقية .., أبدأ فى الاندماج مع اللحن .., يقطع إستمتاعى صوت التلفاز المرتفع فى الصالة

متحادثان غبيان يتبادلان الاتهامات بشأن ما يجرى فى العراق ..,وكلا منهما يتهم الاخر بأنه غبى .., أتفق معهما فى هذا الأمر.. لا أريد أن يقطعا على نشوتى الان .., أقوم برفع صوت الموسيقى بداخلى لتطغى على الأصوات الخارجية

.
أضع القهوة على النار .., وأستأنف إدارة الفرقة الموسيقية .., تعجبنى قدرتى على التنسيق بين هذا الحشد من الموسيقيين .., ينبغى أن أعمل كمايسترو فى أوقات فراغى

.
للنار قدرة غريبة .., تدفعك للتحديق بها والشرود بعيدا .., أركز فى اللهب الأزرق وأترك إدارة الأوبرا بعضا من الوقت .., يزدحم رأسى بخليط من الافكار العجيبة .., أحاول الإمساك بفكرة واحدة ولكننى لا أستطيع .., تيار جارف من الأفكار يجتاحنى وكلما حاولت التركيز فى شىء يتملص منى إلى شىء اخر .., رابط واحد كان يجمع أفكارى .., الحنين .., الحنين إلى شىء ما لا أدرى ما هو .., وصورة واحدة تلح على

.
لا أدرى لما تذكرت هذه الصورة الان .., صورة قديمة لطفل صغير .., عارى إلا من شورت أحمر صغير.., يقف على الشاطىء بإحدى المدن الساحلية لا أذكر ما هى .., ينظر إلى الكاميرا نظرة غريبة .., لم أستطع تفسيرها حتى الان

كلما دققت فيها النظر.. هذا الطفل هو انا

.
يقطع أفكارى صوت غليان القهوة وانسكابها .., أنظر إلى القهوة المسكوبة بابتسامة..لهذا السبب لا أقف فى المطبخ الا نادرا .., أفكر فى إعداد كوب اخر بدلا من المسكوب .., ولكن لا أفعل فأنا لم اكن أريد أن أشرب شيئا على أى حال

.
أذهب إلى حجرتى وفكرة واحدة تلح على .., أفتح الدولاب وأبحث عنه .., لا ليس الشورت الأحمر بالتأكيد .., فبالتأكيد شورتى الأحمر العزيز قد اختفى كما تفعل جميع الملابس القديمة .., لا أعرف أين تذهب .., بالتأكيد تذهب فى الحملات التى تشنها أمى كل عام على الدولاب بحجة ترتيبه .., ولكن بالتأكيد هدفها الأساسى هو القضاء على ملابسى القديمة وارسالها إلى الجحيم السرى الذى لا أعرف مكانه حتى الآن .., أكتشف الأمر أحيانا حين أنظر لواحد من أبناء الجيران وأراه يرتدى شيئا من ملابسى القديمة .., أهم بالانقضاض عليه .., ولكننى أتراجع فى اللحظة الأخيرة .., وأنسحب مقهورا.., فهو لم يسرقه بالتأكيد .., الخيانة تأتى دائما من الداخل .., من قلب المنزل
.

لا لم أكن أبحث عن الشورت الأحمر .., بل كنت أبحث عن صندوق الميكانو كما كنت أحب أن أسميه .., أو صندوق المكعبات كما يطلقون عليه .., تلك المكعبات التى يتم تركيبها سويا لصناعة أشكال كثيرة .., لعبتى المفضلة وانا صغير فى الوقت الذى لا أكون فيه فى الشارع

.
أجده بعد بحث شاق .. ذلك الصندوق الأصفر العزيز .., أحتضنه كما تحتضن الأم وليدها ..,أمسح عنه بقايا الأتربة .., أفرغ الصندوق على السرير..وأنظر إلى قطع المكعبات بسعادة جمة وابدا فى اللعب والتركيب ..و ..التذكر
.

نشوة الذكريات هيا ما كنت أريده .., أستمتع بما أفعله ..وأدندن .. فولا فولا ..بالوم بيلا .. قد تدخل أمى وترى هذا المشهد لتتأكد أن ابنها قد جن تماما .. , لا ألومها كثيرا فأنا نفسى بدأت أعتقد هذا الاعتقاد .., ولكننى لا أبالى .., أكمل اللعب .., والغناء .., طيرى طيييييييييييييرى ..ياااا عصفوووووووورة
.

مساء اخر هو .., ولكنه مختلف عن أى مساء .., مساء مغلف برائحة القهوة والذكريات .., و ..الميكانو

painful sorrow

2007-07-15T01:07:00.000+03:00

بيتهيألى أصعب حاجة فى الدنيا

لما يكون حد غالى عندك أوى زعلان .., وانت للأسف مش قادر تعمله حاجة

علشان مفيش بإيدك حاجة تقدر تعملها

!!أصعب حاجة ..مش كده ؟

وكمان تلت تاجات

2007-07-08T01:03:00.000+03:00

ندخل على طول فى التاجات من غير كلام كتير

التاج الأول ده بيسأل هل أنت مدمن هيروين ؟؟ .. لا لا مش ده .. التاج بيقول هل أنت مدمن تدوين ؟؟ والنتيجة السودة المهببة انى طلعت مدمن عالتدوين بنسبة 84 فى المية .., يعنى من الاخر شمااااااااااااااام

والتاج ده جالى من الصديقة العزيزة علا صاحبة مدونة من غزة

شكرا يا علا عالفضيحة

84%

التاج التانى وده من زمان اوى جالى من إسراء وأحمد مبرمج حر و شيرمن

والتاج بيقول

أحب شخص لقلبك فى الدنيا ؟

سيدنا محمد عليه الصلاة والسلام

انسان مستعد تضحي بحياتك – ركز فى كلمة حياتك - عشانه؟

أمى وأبويا وسيدنا محمد عليه الصلاة والسلام برضه

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك ؟

شارون أيام أحداث الانتفاضة .., وكل جندى أمريكى أو إسرائيلى .., وكل حد بيهزأ من القرآن أو من السنة

ما هو

اسم أجمل كتاب كتبه بشر قرأته ومحتفظ به حتى الان؟انت متعلق بيه وبتقرأه كل فترة؟

الخيميائى لباولو كويلهو

اهم جهاز منزلى انت متعلق بيه او بتستخدمه كتير؟

الكمبيوتر

شىء تحس بالراحة النفسية عندما تنظر اليه؟

البحر لحظة الغروب بيبقى مريح للعين وللقلب اوى

مكان تحس فيه بالحنين الى شىء لا تدرى ماهو و ذكريات جارفة الى لاشىء؟

بيتنا القديم

اجمل مدينة زرتها داخل مصر؟

إسكندرية

أجمل مكان طبيعي رأيته داخل مصر؟

جبل الطور بسيناء

شخصية كارتونية بتحبها؟

الدوك فليد قائد جريندايزر واللى كان إسمه عالأرض دايسكى

نوع هاتفك المحمول؟

سا مسونج z- 140

سرعة بروسيسور جهازك؟

1.7 gh

حجم ذاكرة –هارد- جهازك؟

80 gega byte

المساحة التى تشغلها المواد الاسلامية على جهازك؟

8 gega byte

نفس المساحة السالف ذكرها فى قلبك-الاجابة لنفسك عشان الرياء يا اخواننا-؟

أتمنى انها تزيد عن كده

أهم هدف انت واضعه لحياتك دلوئتى؟

شغلى ..,إنى أسافر وأعمل الزمالة وأكمل ماجيستير ودكتوراة من برة

مواصفات فتاة الأحلام بالنسبة لك ؟

انها تكون بتحبنى زى ما انا بحبها .., تكون متفهمة لطبيعة شغلى .., تكون متدينة .., تفهمنى أوى وتفهم الوقت اللى بكون متضايق فيه وتحس بيا .., تحترم أهلى أوى لأنهم أغلى حاجة عندى .., تكون خفيفة الدم .., تكون طيبة زيى

صف ما يأتى

شعورك لما بتسمع كلمة مصر ؟

زمان كنت بحس بهزة جوايا وشعور حقيقى بالانتماء .., دلوقتى الانتماء لسه موجود بس الهزة دى راحت ..,لما أشوف فيديو زى بتاع تعذيب الأسرى وأشوف رد وزارة الخارجية على إسرائيل وأشوف ان دمنا ميسواش تعريفة عند حكومتنا ساعتها بحس انى عايز أرجع

شعورك لما بتسمع كلام عن اليهود؟

مشاعر كتير الحقيقة .., القرف والغثيان منهم .., الحزن عاللى احنا فيه .., والغضب الشديد من اللى بيعملوه فينا

شعورك لما بتشوف ظابط شرطة؟

بغض النظر عن ان أكيد فيه منهم ناس كويسين وولاد ناس .., إلا انى بحس بنوع من العداء الشديد ناحيته يمكن لانه أول حارس من حراس السلطة الفاسدة فى بلدنا وأكبر مثال على فسادها

لون البطانية اللى بتتغطى بيها فى الشتاء؟

لونها حلو .., هما اتنين واحدة زرقا وواحدة صفرا

لون الجورب-الشراب- المفضل لديك؟

الألوان الغامقة عموما

احساسك اذا داست قدمك فى الطريق على مخلفات اخراج حيوان- *** ولا مؤاخذة-؟

ايه التاج المقرف ده .., احساس مقرف أكيد .., بحس انى عايز أرمى نفسى فى اقرب سلة زبالة

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

بدعيله انه يبقى من جوه أفضل من برة وان اللى عامله ده ميكونش رياء

احساس يراودك فى اشارة مرور مغلقة بسبب مسئول كبير؟

احساس بان البلد دى بقى فيها مفتريين كتيير وان شاء الله ربنا هيوريهم كلهم وهتبقى أخرتهم سوده ومطينة

وادى التاج التانى خلص .., يتبقى التاج التالت

واللى جانى من الصديقة العزيزة مرام صاحبة مدونة ما عليناااا

مين اكتر ست اشخاص بتحبهم ؟؟؟

أبويا وأمى وأخواتى كده خمسة .., وخالى كده يبقو ستة

هل أنت سعيد ؟

الحمد لله

لو اجتمعت مع حسنى مبارك فى مكان واحد هتعمل ايه ؟

هقوله انت هتتسأل على كل واحد فينا .., فيه ناس فى بلدك مش لاقية تاكل وبتموت من الجوع.., ضامن تدخل الجنة بقى ؟

لو معايا مليون ونص أعمل ايه ؟

اشمعنى نص يعنى .., انا مبحبش الكسور دى يا مليون يا اتنين .., المهم .., هدى نص الفلوس دى لأبويا علشان يظبط نفسه بيهم ويحج هو والوالدة.., واظبط نفسى انا بالباقى .., مش هيفضل كتير .., يدوب بس أشتريلى حاجة ساقعة

بتحب مصر ؟

ودى محتاجة سؤال .., أكيد طبعا

أنت مسلم ؟

الحمد لله

ليه ؟

إن الدين عند الله الاسلام واكيد كل واحد فينا بيتولد بيبقى على والده علشان كده لازم كلنا نقرى فى الديانات التلاتة ولازم نقتنع بالدين اللى احنا عليه علشان كل واحد هيتحاسب لوحده .., وانا والحمد لله من قرائتى ارتحت جدا جدا للاسلام وعرفت انه الدين الحق وهو الدين اللى أتى مكمل لجميع الأديان السابقة والدين اللى مسابش حاجة من أمور الدنيات ولا الاخرة الا وذكرها والدين اللى فيه القرآن المعجزة اللى تعهد ربنا بحفظه

مين أكتر شخصية متقدرش تستغنى عنها ؟

أمى

ايه أكتر موقف محرج ؟

لما بفضل أكتب فى تاج طويل كده

الأمنية اللى اتمنى تحقيقها ؟

انى أخش الجنة

التاج بقى يتمرر لمين ؟

أخيراااااااااااااااااااااا

التاجات دى همررها لمين

بصو انا عارف ان فيه ناس عملت تاجات فيهم فانا هقول الاسماء واللى عمل تاج يعمل الباقى واللى عملهم كلهم يبقى نفد بجلده

إسراء الأميرة المفقودة , مرام معملتش تاج الادمان ده .., سها معملتش تاجين فيهم .., أنا كده صاحبة مدونة مش قادرة .., خمسة فضفضة .., زحل الفلكى وجوسى ..,يا مراكبى اعمل التاج اللى يعجبك ..,رودى وساعة الغروب ..,نوران وشمعتها ..,ياسمين الانسانة اعملى تاج الادمان .., بيسو وحكاوى وتخاريف ..,كاميرا جيرل ..,محمد عبد الغفار.., وينكى من غير فذلكة .., وشوشنى .., عقد الياسمين ..,ساعة سكينة..,د/ تخاريف ..,بيج بيج جيرل ..اللى هيا مى ..,تسنيم مبتجاوبش تاجات بقالها فترة ., اعملى تاج الادمان ده سهل ..,أودى عادى بقى رفيق الكفاح فى رحلة الساقية ..,جومانة لما تعمل مدونة., وأى حد تانى عايز يجاوب

الأهلى عمهم

2007-07-02T23:55:00.000+03:00

الله أكبر

عملوها الوحوووووووش

يا ريتنى كنت معاهم

وهكذا يكمل الأهلى مشوار البطولات..,ولا عزاء للزملكاوية ... بين قوسين إيموشن مطلع لسانه

*****************

دى كانت أخبار الأهلى

أما أخبارى بقى .., فالحمد لله حليت فى الامتحانين كويس أوى

متشكر جدا ليكم بجد على دعواتكم وسؤالكم اللى فرقو معايا أوى

وشكر خاص للأميرة إسراء على فكرة البانر الجميلة هيا واخواتها واخواتى الأعزاء جدا تسنيم ومنة

وشكر كمان لأحمد مبرمج حر اللى صمم البانر ده .., وللدكتورة مرام ما عليناااا ..اللى عملت بوست للدعاء لأخواتها المزنوقين من أمثالى

الإمتحانات الفعلية بتاعة اخر السنة هتبدأ فى أول تسعة ان شاء الله وهتخلص فى نص عشرة .., علشان كده يا ريت الدعاء ميقفش .., أنا عارف انكو زهقتو بس معلش .., استحملو بقى .., كان مين اللى قالكو تدخلو طب وتفضلو تمتحنو على طول كده .., حاجة غريبة فعلا .., أنا زهقت منكم ومن كتر امتحاناتكم .., حاجة غريبة صحيح يعنى

مش هغيب عنكم ان شاء الله .., عليا تاجين فى ذمتى لازم اعملهم قبل ما يجرالى حاجة

محدش ضامن اليومين دول .., علشان كده البوست الجاى ان شاء الله اعمل التاجات اللى باظت من الشمس فوق السطوح دى

coming soon the delayed tags

شريعة الحنكلولو

2007-06-08T23:46:00.000+03:00

شريعة الحنكلولو

تحذير : هذه القصة مملة جدا واحداثها مكررة بشكل غبى ., ولقد أعذر من أنذر

تحدث جميع مشاهد قصتنا فى بلاد الحنكلولو حيث الكل فى الواحد .., والواحد فى الكل .., والحنكلولو للجميع .

المشهد الأول

يذهب بطل قصتنا الحنكلولو فى رحلته اليومية إلى المخبز ليشترى الخبز لهم فى المنزل .., بطل القصة غاضب الآن لا يرى أمامه .., يحدث نفسه فى غضب
ليه دايما أنا اللى أجيب العيش ؟؟.., ليه ميجيبوش حد من أخواتى ؟؟
تبدو إجابة التساؤل سرابا مستحيلا لذلك يتوقف عن التفكير ., ويأخذ مكانه فى طابور العيش الذى يمتد إلى نهاية البصر فلا يرى له نهاية
يتحرك الطابور ببطء النملة وحينما يصل بطلنا إلى النهاية أخيرا يخبره البائع أن العيش خلص
يلعن بطلنا وزير الحنكلولو فى سره ويلعن أهله فى سره أيضا وبوادر الغضب من الواقع الصعب تنمو بداخله .., ببطء تنمو .., لكن بثقة

المشهد الثانى

الحنكلولو الآن فى الجامعة .., اخر يوم فى الامتحانات الشفوى
يعلم أنه سيدخل للدكتور حنكلولو .., أصعب دكتور شفوى .., لا يندهش من سوء حظه فقد اعتاد على هذا الأمر .., يدخل الإمتحان مع زميله مودى ويجلسان سويا أمام الدكتور
يلاحظ بطلنا أن جميع الأسئلة موجهة له وأن الدكتورلم يسأل مودى أى سؤال
.
يجيب بطلنا على جميع الأسئلة .., بالطبع فهو بطل القصة ولابد له من أن يكون متفوقا .., ينظر الدكتور نظرة تحدى الى بطلنا ويبدأ فى مضايقته بأسئلة من خارج المنهج
.
ما زال الغضب ينمو داخل بطلنا ولكنه لم يصل إلى حد الانفجار حتى الآن ولذلك يتحمل المضايقات ولا يبدى أى اعتراض .., وما زال مودى جالسا يشاهد الأحداث باستمتاع المتفرج الذى لا يشارك فى الأحداث
ينظر الدكتور بقرف الى بطلنا قائلا : ابقى ذاكر كويس بعد كده .., انا نزلتك عشر درجات بس المرة دى علشان خاطر مودى
ثم ينظر الى مودى بابتسامة قائلا : متنساش تسلملى على الحنكلولو بيه يا حبيبى

المشهد الثالث

يستعد الحنكلولو جيدا لمقابلة العمل .., كم يحتاج هذه الوظيفة .., الشركة التى أعلنت عن هذه الوظيفة
c.vشركة ممتازة فعلا ومستقبل العمل فيها ممتاز .., يجهز الحنكلولو ال
ويرتدى أجمل ملابسه .., فلنقل أنظف ملابسه فهو لا يملك الكثير منها .., ينظر الى عنوان الشركة مرة أخرى فى الجريدة ويقرر أنه سيذهب اليوم بالتاكسى .., نعم انها اللحظة الحاسمة فى حياته لن يضيعها فى زنقة الأتوبيس .., بعض البذخ لن يضر فاليوم غير عادى
.
يركب التاكسى بترفع كما لو كان من علية القوم .., بالطبع علية القوم لا يركبون التاكسى فى بلاد الحنكلولو .., ولكن بطلنا لا يعلم
يتوقف التاكسى بعد قليل .., يسأل بطلنا السائق : فيه ايه يا أسطى
ولاد الكلب يا بيه اللى كل يوم يعملو مظاهرة دول .., وقفو حالنا -
يرد بطلنا : هيا الناس دى فاضية مش وراهم حاجة ؟ شوف طريق تانى يا اسطى
.
ينفذ السائق الأمر وقبل أن يبتعدو عن المكان يسمع بطلنا كلمة كفاية تتردد
لا يفهم بطلنا معنى الكلمة التى سرعان ما تتوقف وتنقلب الأصوات الى الصراخ ولكن التاكسى كان قد ابتعد ولم يعد بطلنا يسمع شيئا سوى صوت أحلامه وآماله
.
يذهب إلى الشركة ليخبروه هناك بأن الوظيفة قد شغلت .., ويتعجب حين يرى مودى يغادر وصاحب الشركة يقول : متنساش تسلملى على الحنكولولو بيه
.
ما زال بطلنا لا يفهم شيئا .., ليس بيدنا شىء نفعله .., فهو البطل وقدرنا أن نحتمله للنهاية

المشهد الرابع

إذا لم يظهر عنصر نسائى فى هذه القصة ونحن الآن فى المشهد الرابع ستكون قصة فاشلة بالطبع .., بطلنا بائس لا أظن أن أحدا يرضى به .., إذن فهى الحيلة التقليدية التى يلجأ إليها الجميع
.
يخرج الحنكلولو من الشركة وهو فى أقصى درجات الإكتئاب .., يعبر الطريق دون أن ينظر بالطبع .., يسمع صرير السيارة قبل أن تصدمه ويفقد الوعى

بالطبع لم يمت بطلنا فهو البطل .., فالأبطال لا يموتون بهذه البساطة

يفيق بطلنا ليجد أنه داخل السيارة وان السائق فتاة .., وحين يفيق تماما ويركز فى ملامحها يكتشف انها سارة .., زميلته فى الجامعة .., أجمل بنات الدفعة .., و حبه القديم
.
لم تعرفه سارة بالطبع فالحب كان من طرف الحنكلولو فقط كما هو واضح .., ولكن يبدو أن بطلنا كان سعيدا بهذه الصدفة الغريبة .., واعتبر أن الحظ بدأ يبتسم له بعد غياب
.
فرحت سارة حين اكتشفت أنه بخير واعتذرت قائلة : أنا اسفة والله مخدتش بالى منك .., انت ظهرت فجأة قدامى وملحقتش أفرمل .., أنا عارفة انى غلطانة انا مكنتش شايفة قدامى .., بس أنا لسه مخلصة المظاهرة دلوقتى وأصحابى كلهم انضربو واتقبض عليهم والمنظر هناك كان بشع .., بجد أنا اسفة
رد الحنكلولو بغباء : هوا أنتى من بتوع المظاهرات .., وانا اللى كنت فاكرك عاقلة .., أنا مش فاهم مظاهرات ايه اللى بتعملوها دى ؟
.
تعجبت سارة من رده .., ولكنها بدأت تشرح له فى حماس لماذا تتظاهر هى أو غيرها .., وأخبرته عن أسباب تزايد الفقر فى البلاد رغم ما فيها من مصادر للدخل .., وعن التعديلات الدستورية الخانقة للحريات.., وتزايد الفساد فى حكومة الحنكلولو الكبير
قاطعها حينما وصلت لهذا الحد : لا أنتى تقولى أى حاجة ., إنما توصلى للحنكلولو الكبير لأ .., تودينا فى داهية معاكى .., كفاية كلام كده
نظرت له سارة باشمئزاز قائلة : أنت أجبن حنكلولو شفته فى حياتى .., لتتركه وتنصرف غاضبة

المشهد الخامس

عندما يكون لديكم حنكلولو بهذا الغباء فنصيحتى لكم ألا تجعلوه بطلا لقصة .., وإذا أخطأ أحدكم وجعله بطلا فالحل الوحيد أن يقتل هذا البطل فى المشهد الخامس .., ولن يلاحظ أحد الفرق وسيعتبرون أنها قصة قصيرة ذات نهاية مأساوية

يمشى الحنكلولو مستغرقا فى التفكير .., وجملة واحدة تتردد فى رأسه .., أنت أجبن حنكلولو شفته فى حياتى .., ألهذا الحد صار جبانا ؟؟.., أخذ يفكر فى كلام سارة .., وأخذ يستعرض شريط حياته أمامه .., طابور العيش .., منزله المتهالك .., أمه المريضة .., إمتحانات الجامعة .., الوظيفة الضائعة .., أحلامه البسيطة كل الآمال المحطمة
.
وجملة أخرى يتردد صداها بداخله ليملأه غضبا فوق غضبه .. إبقى سلملى على الحنكلولو بيه .., الجملة التى طاردته طوال حياته
.
يقطع تفكيره وينظر إلى الناس من حوله .., يتعجب من مرآهم .., يمشى الجميع متشاركين فى نظرة الانكسار وانحناءة الرأس .., وجوم غريب يعتلى وجوههم .., بوادر غضب تبدو عليهم يخشى كل منهم إخراجها
يبدأ فى فهم ما يحدث حوله .., يتعجب من غبائه طيلة الأعوام الماضية
يتمتم بصوت خفيض : كفاية ظلم .. كفاية فساد
يتوقف الناس من حوله وينظرون له نظرة أمل .., يبدأ صوته فى الإرتفاع : كفاية ذل ..كفاية فقر
يبدأ الناس فى التمتمة وراءه .., وتدريجيا يبدأ صوتهم فى الإرتفاع .., وتبدأ جبهتم المحنية فى الاعتدال .., وتبدأ ابتسامة صغيرة تظهر على وجههم تتزايد مع ارتفاع أصواتهم وتتزايد أعداد المشاركين
.
وبعد دقائق قليل تحيط بهم سيارات مباحث أمن الحنكلولو .., وينزل عساكر يرتدون الزى الأسود ويحملون عصى طويلة ويبدأون فى الضرب دون تمييز
.
يصاب بطلنا بضربة شديدة على رأسه .., واخر ما يراه قبل أن يفقد الوعى إعلان كبير فوق أحد البنايات
وفوقه صورة الحنكلولو الكبير ينظر له نظرة تحدى واثقة وبجوار الصورة لمح جملة القيادة والعبور نحو المستقبل
.
واخر ما سمعه من رجل عجوز بجواره كان كلمة كفاية نصب مختلطة بصيحة إضرب يا عسكرى
قبل أن يسقط الإثنين وسط دائرة كبيرة من الدماء

تمت

ملحوظة 1
تعلن إدارة المدونة عن أن أى تشابه بين أى حنكلولو من أبطال القصة وأى حنكلولو فى العالم الحقيقى غير مقصود واذا وجد التشابه فسوف يعرض أصحاب هذا التشابه فى العالم الحقيقى إلى المساءلة القانونية لانتهاكهم حقوق الملكية الفكرية الخاصة بالمدونة
.
ملحوظة 2
الله يخرب بيتك يا ميخا .., عليت منك أوى المرة دى .., غير الصنف ياض
.
ملحوظة 3
أنا عندى امتحان مهم يوم 27 و 29 الجايين ان شاء الله وعايزكم كلكم تدعولى بضمير وزمة وشوية حماس ماشى يا بنى ادمين .., معانا ياااااااااااا رب

تحديث

الامتحان بقى يوم28/6 و 2/7

Only in Egypt

2007-05-30T01:46:00.000+03:00

أصـلك طـيـب

شريط جديد حاليا بالأسواق

للمطرب العالمى

عزت الأمير

AZET EL AMIR

لا تتردد فى حجز نسختك الآن فالكمية محدودة جدااااا

___________________________

على فكرة الصورة دى حقيقية شفتها من كام يوم مالية الشوارع عندنا هنا فى الزقازيق قلت لاااازم اصورها وأنزلها عالبلوج .., اهو انا دلوقتى عرفت الناس المجهولة اللى بيغنو فى الميكروباصات بيبقى شكلهم ايه

أكيد كلمة بيغنو دى متنطبقش عاللى بيعملوه .., ممكن نسميه أى حاجة غير بيغنو

اللى يقول أديك تقول مخدتش يا ناكر الجمييل أموت واعرف اداه ايه وقاله انه مخدوش

واللى يقول الدنيا خرباااانة ..,ويعدد محافظات مصر واحدة واحدة ويؤكد بما لا يدع مجالا للشك اسباب خرابها خربت عيشته البعيييد .., ده غير موسيقى المولد والتنويعات والديجيهات اللى اتعملتلها حسستنى انها المقطوعة الأم لكل الموسيقات اللى فى الدنيا وان العبقرى اللى اكتشفها بينافس يانى وجان ميشيل جار وعمر خيرت فى قائمة الأفضل سماعا

أكيد حد ظريف هيقولى ان موطنهم الأصلى الزقازيق وانهم بعد كده انتشرو فى انحاء مصر

بس انا ومن موقعى هذا بأكد ان دى إشاعات .., الراجل ده دخيل .., وانا سمعت من مصادر موثوق فيها انه ماضى عقد احتراف لمدة سنتين بس هنا فى الزقازيق وبعدهم هيرجع موطنه الأصلى تانى اللى هوا السجن

فيه بعض الشائعات المغرضة اللى بتقول انه أمير عربى من دولة شقيقة استنادا لكلمة الأمير فى الصورة.., بس بعد عرض الصورة على جميع السفارات العربية .., أعلنو استنكارهم وشجبهم للموقف وأكدو على خلو أراضيهم من أى عزت يحتمل ان يكون له علاقة بالصورة

بس أنا عندى شكوك عميقة ان الراجل ده ليه علاقة بتنظيم القاعدة وانه أمير جماعة هناك وباعتينه جاسوس هنا

ايه رأيكم يا جماعة ؟؟

الراجل ده تبع مين بالظبط ؟؟

لــعنة أن تكون طالب طب

2007-05-19T00:13:00.001+03:00

لن أحدثكم اليوم عما يحدث داخل أروقة كليتنا العتيقة

يحتاج الأمر إلى مجلدات للحديث عما يحدث هناك .., بمعنى أصح عما يفعلوه بنا هناك .., يمكنك أيضا بناء الجملة للمجهول لتصبح عما يُفــعل بنا هناك .., تنويعات كثيرة يمكنك إستخدامها لتصل إلى المعنى النهائى

بالتأكيد تعلمون جميعا ما هذا الذى يحدث .., لذا لن أحدثكم اليوم عما يحدث هناك

أحد القراء : ما الذى يقوله هذا الأحمق ؟ لم افهم شيئا

قارىء اخر : أنا أيضا لم أفهم شيئا .., ثم لماذا نتحدث الفصحى ؟

قارىء غاضب : تبا له .., انه ذلك الكاتب .., يجعلنا نتحدث الفصحى لأننا فى مدونته .., يذكرنى كلامنا بالروايات المترجمة ترجمة ركيكة .., حين يقول السير طوماس ..هلمو نشرب الشاى فوق المدفأة .. يبدو أنها ليلة جميلة ..لترد مارثا بانبهار ..واو ..ياله من ذوق رفيع يا سيدى

أنا : ما هذا ؟ .., من هؤلاء ؟؟.., إذا لم يعجبكم ما أقول فلتذهبو إلى الجحيم .., إنها مدونتى حيث أتكلم كما أشاء .., وأجعلكم أيضا تتحدثون بالفصحى .., دعونى أكمل ما بدأت ما زال الحديث فى أوله

أحد القراء بتوسل : تحدث أنت كما تشاء ولكن اتركنا نتحدث العامية .., لن نحتمل أكثر من هذا .., أرجوووووك

أنا بامتعاض : حسنا .., دعونى اكمل كلامى ولنرى

نعود إلى الحديث مرة أخرى .., سأكلمكم اليوم عما يحدث لى خارج الكلية .., هذا الأمر يضايقنى هذه الأيام

أشعر أننى قد أصبحت مريضا بالضغط مما يحدث لى .., ربما هو نوع من اللعنة .., أن تكون طالب طب .., كيف يعاملك الناس .., كيف يتحدثون معك .., كيف يستبيحون وقتك

يبدأ الأمر حينما أقابل احدهم .., ينظر إلى السماعة فى يدى نظرة خبيثة .., ثم يبدأ فى فتح الحوار دون استئذان

يبدأ بالسؤال الأول : أنت دكتور ؟

أرد بتحفز : أيوة ..لسه طالب

تبدو نظرة انتصار فى عينه ..,يحدث نفسه.. انه يحمل سماعة .. إذن فهو طبيب .., يا للعبقرية

يكمل بسماجة : وفى سنة كام يا دكتر ؟ - يقولها هكذا حتى يشعرنى بثقافته

أرد بملل من اعتاد على الموقف : سنة خامسة

ليأتى السؤال الذى صرت أمقته : ويا ترى اتخصصت ولا لسه ؟

لأبدأ حديثا مطولا عن أن التخصص يكون حينما أكمل الدراسة تماما .., وعندها أختار المجال الذى سأتخصص فيه وأكمل فيه الدراسات العليا من ماجيستير وخلافه

ينظر لى دون اقتناع وهو يتعجب من الأطباء الذين يتأخرون فى التخصص ولا ينسى أن يخبرنى أن حمادة ابن اخته قد تخصص وهو فى السنة الاولى .., ويدعو لى بالهداية .., ثم يخبرنى أن اسرع بالتخصص حتى لا أصير من الاطباء الفاشلين

أنهى الحوار سريعا كى لا أقتله .., من سمح له بالتدخل فى حياتى بهذا الشكل

أجلس فى البيت لأجد جارة من الجارات تأتى ..تبدأ فى متتابعة الأسئلة التى أمقتها

وتسأل السؤال العقيم : أنت اتخصصت ولا لسه ؟

لأبدأ فى الرد المحفوظ

تمصمص شفتيها شفقة على هذا الفاشل ..ثم تقول : خلاص ابقى اتخصص نسا بقى .., علشان تنفعنا .., ولا أقولك ..ممكن تبقى أطفال ..علشان الواد حمادة مغلبنى .., حاجة من الاتنين .., انا بقولك اهه

أمنع نفسى أيضا من قتلها وابتسم ابتسامة دبلوماسية لأخبرها أن احلام سيادتها أوامر

تمصمص شفتيها مرة أخرى فى امتعاض وتتحسر على الزمن الأغبر الذى جعل الفاشلين من أمثالى يدخلون الكلية ولا يتخصصون من السنة الأولى

وتتوالى الاستشارات الغريبة الغير مفهومة اطلاقا .., يعتقد الجميع اننى اذا نظرت الى أحدهم بعينى المجردة لابد وان اكتشف اذا كان يعانى من سرطان القولون أو متلازمة فانكونى أو تضخم البروستاتا

واخر الاستشارات الغريبة حين أوقفنى عم نبيه ..صاحب محل للدهانات .., أوقفنى فى الطريق

بدأ بالطبع فى متلازمة الاسئلة الكريهة ..ثم مال على بشكل مريب وهمس فى أذنى قائلا : تفهم فى اختبارات الحمل يا دكتور ؟

أخبرته بأنها شىء بسيط تفهمه اى سيدة

رد على وتقاطيعه تحمل قسوة غريبة : خد شوف كده وقولى حامل ولا لأ

بدأت أشك فى نوايا عم نبيه .., وبدأت ارتاب فى صاحبة هذا الاختبار ..فسألته : أنتو عاملينه ليه يا عم نبيه ؟

رد على بقسوة : لو طلعت حامل ..يبقى مش هعرف أدبحها.., علشان كده عايز أعرف .., طمنى يا دكتور

أنا بهستيرية : تدبحها ليه يا عم ..حرام عليك .. هيا عملتك ايه ؟

رد عليا : أيوة يا دكتور ..لازم أدبحها .. أمال انا جايبها ليه ..وبعدين العيد كمان يومين

أنا بعدم فهم : عيد ايه .., مش فاهم ؟

هو : أيوة ..العيد يا دكتور .., أمال أنا اشتريت المعزة دى ليه .., عايز أضحى بيها فى العيد .., لو طلعت حامل مش هعرف أدبحها

لكم أن تتخيلو موقفى وقتها .., هذا الأحمق الذى يحضر اختبار حمل للمعزة .., لا يهمنى هذا .., ولكن لم يقع اختياره على .., هل وصل حظى التعس لهذه الدرجة .., ام هى اللعنة .., لعنة طلبة طب

أحد القراء : خلاص يا بنى أنت صعبت علينا ..متعملش كده فى نفسك ., ايه ده احنا بنتكلم بالعامية .., أشطة يا معلم .., تيك كييير بقى .., وخلى الحياة اخر زنجفة

القارىء الغاضب : واحنا مالنا يا عم بأم المشاكل دى .., وبعدين ما الناس ياما بتشوف .., لازم تصدعنا يعنى بكلامك ده

أنا : وحياة أمك لو سمعت صوتك فى المدونة تانى لأعملك شيفت ديليت وأعورك

فلأكمل المأساة .., تستمر المعاناة حين ينتقل هذا الضغط الى بيتى

حين يسألك الجميع عن موعد تخصصك او تخرجك .., يمكنك أن تعذرهم .., ولكن حين تأتى والدتك لتسألك هذا السؤال بمعدل مرة كل أسبوعين من السنة الاولى وحتى السنة الخامسة.., فلا مفر من الانتحار

وتبدأ الأسئلة الغريبة على غرار : هو الخيار بيتخن ؟ .., هيا البامية فيها مضاد حيوى ؟

يمكننى ان أتحمل هذا .., ولكن يأتى الهجوم الأقوى من التلفزيون

أطباء التغذية العلاجية بالخضروات و العلاج البديل بالكمون وهذا الهراء

انتشرو بشكل بشع .., وبالطبع أثرو على الجميع ..خاصة السيدات ومنهم والدتى

تتصل احداهم بالدكتور البديل لتخبره بانها قد تخلصت من الرحم ولا يمكنها الإنجاب اطلاقا وتعدد الكثير من الامراض الأخرى

ليقاطعها الدكتور البديل كالملسوع ويصيح بأعلى صوته : البــردقووووووووووووووووووش .., مفيش غير البردقوش .., هوا اللى هيحللك كل مشاكلك

وعندما يطلبون منه أحد النصائح لسيدات البيوت يتجلى قائلا : الشطة .. الشطة من أحسن الحاجات اللى تفتح الشرايين

وينسى الجميع أثر الشطة على البواسير

وأجد بقدرة قادر أن الأكل اليومى أصبح مزيجا من الشطة والبردقوش .., وحين أبدأ فى الشكوى و أخبر أمى بأن هذا عذاب وأن هذا الرجل لا يفقه شيئا .., وأن معظمهم نصابين لا يفقهون شيئا فى الطب

تمتعض وتسألنى بنظرة قرف : أنت اتخصصت ولا لسه ؟

هذيــان

2007-05-09T17:24:00.000+03:00

طـفل كبير أنت .. تهوى السخرية

تسخر من الجميع من حولك .., ولا تنسى بالطبع أن تسخر من نفسك قبل الجمــيـع

تجيد الهرب دوما .. فأنت أكثر من يعلم مدى هشاشتك

لا .. لا تتخذ سياسة دفن الرأس فى الرمال فى مواجهة المشاكل .. أنت أذكى من ذلك

فقط أنت تتوقف عن التفكير

التفكير فى بديهيات تسلم بها قبل الجميع ... تكرهـها ... لكن تسلم بها

بديهيات كثيرة مؤلمة .. يطالبك الجميع بالتفكير وايجاد حلول ليست بيدك بالتأكيد

هم لا يعلمون كم أنت هش

أو ربما يعلمون ..لكنهم يستمتعون بإدمائك

ربما تكون أنت وسيتهم التى تشعرهم بأنهم أفضل حالا

تعلم ذلك ولكنك تواصل الهرب ., والبحث عن ذات تأبى ملاقاتك

ربما تظن أنك لا تستحق

تخشى الانكسار ..تتظاهر دوما بالقوة والامبالاة ., وبعض الهدوء الذى لا ينم عن شىء

كـم تخشى تلك اللحظة ..حين تصبح وحيدا

تعلم أنها آتية لا محالة .. تتجنب التفكير

ومرة أخرى تكمل هروبك

***********

طفل صغير أنت الآن

لا تدرك ما ينتظرك

تشارك الصغار ألعابهم .. لكن بقواعدك

لحظات استمتاعك قليلة .. فالحياة أمامك علامة استفهام كبيرة تحاول فك غموضها

لحظات انفرادك بنفسك كثيرة .. لحظات غير مفهومة من الاستمتاع بالوحدة فى بعض الأحيان

والألم ومعاقبة الذات فى أحيان أخرى

لغز كبير أنت

لا يفهمك أحد

تخشى الإعتراف بأنك أحيانا لا تفهم ما يجرى بداخلك

أنت أيضا تحتار مثلهم .. , ولك كل الحق

تختنق أنت الآن

لا تعلم ماذا تفعل

تخط بعد الكلمات الحمقاء

تهذى هو التعريف الأصح لما تفعله الآن

ألا تشاركنى الرأى؟؟

أنت تهذى بالفعل

**********

أتعلم يا صديقى

إن العالم ملىء بالحمقى

لكننى وبصدق

لم أر من هو أكثر منك حماقة

تمت

____________________

معذرة لعدم الرد على التعليقات لضيق الوقت الشديد

أرجو منكم الدعاء لأخيكم

تلت تاجات ...وأستك

2007-05-04T01:23:00.000+03:00

التاجات كترت عليا أوى .., وانا يا جماعة كبرت وبقيت عضمة ناشفة

المرة دى هجاوب 3 تاجات .., تاج أحمد مبرمج حر اللى بصراحة يعنى حمض عندى .., أنا مكسوف منك يا أحمد ووشى فى الارض والله .., حكاية تأخير التاجات دى بتبقى غصب عنى والله .., انا عارف انك باعت التاج من زمان اوى .., معلش بقى .., انا هجاوب اهو :)

التاجين التانيين من سها ودول كمان من زمان ., انا عارف انك هتعذرينى

هنقضيها اعتذارات بقى ولا اييه .., مخلاص .., محدش يفتح بقه بقى ويقولى اتأخرت ليه ..,انا اعتذرت كتير اهو

نجااااااااااااااااااوب بقى

الأول .. تاج الشخصية العجيبة ..من سها

?What Famous Leader Are You

personality tests by similarminds.com

التانى ..تاج الممارسة والاستغراق ..بتاع أحمد

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها

يااااه يا أبو حمييد .., فكرتنى بزمان .., طبعا القراية .., القراية بالنسبة لى مش مجرد هواية ., دى تقريبا هوس .., حب القراية والانفصال التام عن العالم لما يكون فى ايدى كتاب .., بدأت أقرى تقريبا من أولى ابتدائى

كانت البداية مع مجلات بطوط وميكى والعم دهب .., كنت بعشق العالم بتاعهم .., كنت الطفل الصغير الغريب اللى تلاقيه فى الفسحة بدل ميلعب ..قاعد فى الفصل وفى ايدى مجلة ومع نفسى خااالص

بعد كده قريت تان تان .., الولد اللذيذ أبو قصة شكلها غريب لسه فاكر شكله لحد دلوقتى .., مغامراته كانت تحفة .., وطبعا كانت مجلات مصورة لانى كنت لسه صغير

بعد كده حوالى فى تالتة ابتدائى بدأت اقرى سماش وفلاش .,الله يمسيك بالخير يا مواطن يا مطحون

وبعدين انتقلنا الى عالم نبيل فاروق وأحمد خالد توفيق

عالم كامل من المتعة مع رجل المستحيل وملف المستقبل وكوكتيل 2000 وفارس الأندلس وماوراء الطبيعة وفانتازيا وسافارى .., وبعدين الروايات العالمية للجيب .., الوقت ده أثر فيا اوى ., ويمكن جزء كبير من ثقافتى خدته من الاتنين دول .., وانا لسه مبطلتش قراية ليهم على فكرة

بعد كده بقى مبقتش اسيب حاجة الا واقراها .., الروايات العالمية .., والعربية .., مسبتش كتاب فى مكتبة اى مدرسة دخلتها الا وقريته .., حالة غريبة من العشق بحس بيها لما أشترى كتاب جديد .., اكون هموت واروح علشان أقراه

لو تشوفنى وانا داخل الاوضة ومعايا كتب اشتريتها ., تحس انى رايح اقابل حد بحبه .., أفرز الكتب فرز محترف .., وارتب القراية حسب المود المتوقع .., وامسك الكتاب اللى هقراه وانفصل عن الدنيا بحالها

لو سألتنى ايه ألذ لحظة فى حياتك .., اقولك فى يوم برد فى الشتا .. الجو بيمطر برة .. أنا قاعد فى أوضتى ومعايا مج النسكافيه .. وكتااب .., الجو يبرد زيادة .., أنزل تحت البطانية الحبيبة .., ومعايا الكتاب .., واقرى

شعور ممتع .. الجمع بين القراية والدفااا

الحاجة التانية اللى كانت بتفصلنى عن العالم تماما .., هيا مش هواية .., بس عشق طفولى للكارتون

أنا بعشق الكارتون .., مفيش كارتون اتعمل فى الدنيا الا وشفته .., وكنت بنفصل عن العالم بجد .., لدرجة انى مرة فى أولى اعداى تقريبا .., فتحت كارتون نت وورك ..وفضلت اتفرج على الكارتون ..., ونسيت انى عندى امتحان اخر السنة .., الامتحان كان الساعة 10 وانا فضلت اتفرج للساعة 11 ومش فى دماغى اصلا ., لحد ما واحد صاحبى الله يكرمه استأذن الاساتذة انه ييجى يندهلى .., ولان الاساتذة عارفينى لانى كنت شاطر فسمحوله انه ييجى ويندهلى.., والحمد لله لحقت الامتحان .., اللذيذ انه كان امتحان جغرافيا .., شفتو التاريخ الاسود

لما صاحبى بقى عرف انى كنت بتفرج على كارتون حاول يقتلنى .., والاساتذة خلصونى من ايده :)

الثالث .. تاج الاسئلة الغريبة .. من سها

section 1

?last beverage

كوباية شاى معتبرة

?last phone call

النهاردة الصبح مع شفيع ..بيسألنى عن ميعاد الامتحان بتاع النهاردة

?afriend last instant message

كانت من أشرف صاحبى ..بيقولى أولا .. محدش يقدر يلمس سنانه كلها بلسانه

ثانيا ..لو قدرت تلمس سنانك كلها بلسانك هتخش الجنة

ثالثا.. أكيد كل الناس الحمقى هيحاولو يلمسو سنانهم دلوقتى

رابعا ..المعلومة الاولى غلط مش صح

خامسا .. المعلومة التانية كمان غلط مش صح

سادسا ..الرسالة دى مبعوتة للحمقى أصلا فسيبك منها يا احمد ومتقراهاش

?last cd played

sway with me.., i love this song

?last time you cried

مش فاكر لانه كان من زمان اوى ..انا مش من عادتى انى بعيط كتير ..لما اعيط يبقى اكيد فى مصيبة

?last text msg

حازم كان باعتلى رسالة فيها أدعية كتير كده لانى كنت تعبان شوية

أصيل يا حازم

....

section 2

have you ever

?dated some one twice

يااه ..كااان زمااااااااااااااان

ههههههه

?been cheated on

محصلش

?kissed some one and regretted it

أستغفر الله العظيم ..يا جزووفى يا جزووفى

ايه الاسئلة اللى تودى فى داهية دى .. لا يا عم مش لاعب

?lost some one special

was about to lose but thnx god

?been depressed

هع هع هع .., نكتة ظريفة .., المفروض السؤال يبقى انت امتى مبتكونش مكتئب .., او ايه هيا اللحظة الاسطورية الى بتحس فيها ان الحياة حلوة

الاكتئاب دلوقتى بقى اسلوب حياة واحنا بنعمل جمعية دلوقتى وهنسميها جمعية الحفاظ على المكتئبين من عوامل السعادة الخارجية

?been drunk and threw up

يووه .., كتيير أوى .., ده انا هق .. بشرب هق هق ..كتير أوى ..هق .. وبتطوح كمان ..هق

هات القزازة واقعد لاعبنى ..هق ..دى المزة طازة ..والحال عاجبنى ..هق

ايه الاسئلة دى يا اخوانا

انا البنى ادم الوحيد اللى اثبت انه بيتسطل من القهوة .., اشرب القهوة من هنا .., واناااااااااام

......

section 3

list 3 favourite colours

الأسود والكحلى والأكاجون

حد هيسألنى ايه الاكاجون ده هقول معرفش ..بس بحبه برضه

...........

section 4

this month have you

?made anew friend

الحمد لله آى ثينك سو

?fallen out of love

يا رب يا اخويا يا رب

? laughed until you cried

اه ..احنا عيال مسخرة أصلا ..مشينا وقعدتنا عبارة عن ضحكة طويلة بنقف فى النص علشان ناخد نفسنا بس وبعدين نكملها

?met some one who changed your life

لأه

? Found out who your true friends were

ما هم معايا لازقين اهو

?Is there something you want to tell someone

كتير

? Would you kiss anyone on your top friends

لما هحب هبوس

? How many people on your top friends do you know in real life

كلهم والحمد لله

? How many kids do you want to have

تلاتة

? Do you wanna change your name

لا طبعا ..انا بحب اسمى جدا

What did you do for last birthday

انا معملتش صراحة ..صحابى ربنا يخليهم عملولى عيد ميلاد تحفة لما كنا فى اسكندرية ..وألذ حاجة فيه انه كان مفاجأة

انا كنت معاهم طول اليوم عملوه ازاى ولاد اللذين دول

? What time did you wake up today
الساعة 9.30
.What were you doing at midnight last night
كنت بتفرج عالتلفزيون
? Name something you CANNOT wait for
انى اخلص الكلية دى بقى
Last time you saw your father
من خمس دقايق .., بقاله ساعة يقولى تعالى اتعشى .., اقوله حاضر ..يروح وييجى تانى ..تعالى اتعشى ..اقوله حاضر لما اكتب البوست ده ..يروح ويقولى انت متعشتش ليه
اقوله حااااضر ..لحد مجابلى كيس دوريتوس وراح ينام

.What is one thing you wish you couldchange about your life
كتيييير
?What are you listening to right now
امال اللى فوق كانت ايه
sway with me برضه
?Have you ever talked to Tom
اه ..ده توم حبيبى ..كنا قاعدين مع بعض من شوية .., يا بشر توم ده اللى مألف التاج .., والمفروض كل واحد ذكى جاله التاج كان يشيل توم ويحط اسمه هوا .., فهمتو بقى
? Have you ever talked aboutsomeone behind their back
اه بتحصل صراحة ..يا جزوووفى يا جزووفى
?What’s the last piece of clothing youborrowed from anyone
اه ..من زمان ..كنت عند أسامة بنذاكر ..وبعدين اتخنقت من هدومى .فأسامة جابلى جلابية طويييلة عرييضة ..غصت فيها .. متشكر يا أس اس
?Who’s getting on your nerves right now
التاج ده
? Most visited webpage
Google

coke or pepsi
بيبسى طبعا

? Mac or PC
pc

هفففففففففففف
اخيرا خلص
والله منا ممره لحد
انا اتشلييت

يللا بقى سلام عايز اكل الدوريتوس

بالأمر المحال اغتوى

2007-04-21T23:37:00.000+02:00

إنها الذكرى الحادية والعشرون لرحيلك

ما زلنا ننتظر من يأتى ليملأ هذا الفرااااغ

ولكن .. يبدو أننا سننتظر للأبد

فى يوم صحيت شاعر براحة وصفا

الهم زال والحزن راح واختفى

خدنى العجب وسألت روحى سؤال

أنا مٌت ؟ .. والا وصلت للفلسفه ؟؟

عجبى

ما زلنا نفرح معك ..,نبكى معك .., نحيا الحياة كما رسمت يداك

ما زالت كلماتك تؤثر فى أجيال ... حتى بعد أن رحلت

سهير ليالى وياما لفيت وطفت

وفى ليلة راجع فى الضلام قمت شفت

الخوف ..كأنه كلب سد الطريق

وكنت عاوز أقتله .. بس خفت

عجبى

سلام .. يا صديقى

وحشتناااااااااااااااااااااااااا أوى

سلام سلام .. سلام سلام ..سلام

كلام كلام ..كلام كلام .. كلام

هــز الورق يا صاحبــــى كدهوه

يطلع كلام سلام .. وسلام كلام

!وعجبى

لماذا أكره الجغرافـيا ؟؟؟

2007-04-13T02:23:00.000+02:00

.
.
لم أقابل فى حياتى من يحمل بداخله حبا أو إعجابا ولو طفيفا بمادة الجغرافيا .., ربما تحبها ياسمين .., ولكنها الاستثناء الوحيد الذى يؤكد القاعدة .., فالقاعدة أن يكره الجميع الجغرافيا وكأنما صارت كراهيتها إرثا يرثه الجميع .., ونتشاركه جميعا عن طريق وجداننا الجمعى

تختلف أسباب الكراهية من واحد إلى الاخر .., فهناك من يقول ما جدوى ان أعرف أن تايلاند هيا ثانى دولة فى انتاج المطاط .., كما أنهم يتميزون بزراعة الفول السودانى .., مالى انا ومال المطاط والفول السودانى .., هل انتهت مشاكلنا هنا لأبحث عن المطاط والفول السودانى .., يكمل اخر .. وما جدوى أن اعرف أن دولة زائير لم تعد زائير بعد الان .., وأصبحت الكونغو الديموقراطية .., إعذرونى .., انا لن أذهب الى زائير .., ولن يضيرنى شىء إذا تحولت الى الكونغو الديموقراطية .

أما انا فأسباب كراهيتى للجغرافيا هيا أسباب شخصية تماما تتعلق بتاريخى الأسود مع هذه المادة .., عذرا يا ياسمين فأنا لا احمل ضغينة لمادة الجغرافيا شخصيا .., وإذا واتتنى الظروف للجلوس معها على أى مقهى بلدى محترم فى وسط البلد .., وتناقشنا سويا فى بعض الأمور فربما نصل إلى نقطة مشتركة ..,ومن يعلم فربما نكون اصدقاء بعدها .. أنا أتكلم عن الجغرافيا لا ياسمين بالطبع

لنرى الان بعض أسباب كراهيتى للجغرافيا
.

.
المشهد الأول

مدرسة الناصرية الابتدائية
تالتة أول (مشترك )

.
إنها بداية السنة .., أذهب مبكرا للجلوس فى أول ديسك .., طالب نشيط ذكى بشهادة الجميع .., أنتظر بداية الحصة الأولى
تدخل إمرأة بدينة للغاية إلى الفصل .., تبدو كالشاحنة .., تسحب فى يدها ابنتها على ما يبدو .., بدينة هيا الأخرى .., تبدو كالمقطورة هذه المرة
تصيح المرأة البدينة : عايزة تقعدى فين يا هبة ؟
تبدأ البنت فى النظر الى الجميع .., يتشبث الجميع بأماكنهم خوفا من أن تحتلها هذه الكارثة
أنظر اليها فى خوف قائلا فى سرى : يا رب مش انا .. يا رب مش انا
تحدق البنت فى وجهى وكأنما تقرأ ما بذهنى ثم تشير إلى ديسكى قائلة لأمها : عايزة أقعد جنب الواد ده
وتحدث الكارثة وتجلس بجوارى .., لأجد نفسى بقوانين الإزاحة أجلس على الحديدة فى طرف الديسك بينما تنعم هذه البنت بالديسك كاملا

تكتب أمها على السبورة بخط بشع .., الدراسات الإجتماعية .. , عرفت بعدها أنها الأب الغير شرعى للجغرافيا .., أتكلم عن المادة وليس الأبلة بالطبع .. تحية كما عرفت اسمها
ثم تجلس الأبلة تحية .., لتخرج من شنطتها الكوسة وتبدأ فى التقوير
تنظر هبة إلى بشراسة ثم تقول : إسمك ايه يااض
انظر لها بخوف : عااااااااااااا .., انا عايز اروح

وتبدأ مأساتى مع الجغرافيا .., وتبدأ كراهيتى تزداد مع كل تقويرة للكوسة .., وتقطيف للملوخية .., وتقميع للبامية .. حتى ياتى ذلك اليوم
تدخل الأبلة تحية الفصل .. ثم تقول : احنا عاملين حفلة بمناسبة عيد الأم .., وطالبين منى أخليكو تقدمو فقرة فى الحفلة عن الكواكب .., عايزين تسع عيال .., وهبة هنخليها الشمس
قلت فى سرى : اه .. علشان الحجم طبعا
بدات الأبلة فى اختيار الأولاد .., أغمضت عينى حتى لا ترانى .., اختارت ثمانية أولاد وبقى واحد فقط .., فوجئت بهبة تشير إلى بنظرة آثمة وتقول : هاتى الواد ده يا ماما
ليقع الإختيار الأخير علىّ
.

يوم الحفلة
.
.
نذهب جميعا الى الحفلة .., مرتدين ملابس تميزنا ككواكب .., ترتدى هبة شوال أصفر كبيير لتبدو كالشمس .., وتختارنى الأبلة أن اكون كوكب الأرض
اتفاجىء بأن كوكب الأرض هو الوحيد الذى سيتكلم عن علاقته بالكواكب الأخرى .., اللعنة
لا أتذكر شيئا من الكلام الاحمق الذى قالته لى الأبلة عن الكوكب .., إذن .. إنه الإرتجال
.
يأتى الدور علىّ .., يصمت الجميع .., تحضر الأبلة الميكروفون لكى يظهر صوتى .., أنظر إلى جموع الطلبة الغفيرة .., المدرسين .., الناظر .., الموجهين .., الاباء والأمهات
وأبدأ فى الكلام : أنا كوكب الأرض .., ثم أنظر إلى هبة وأكمل الكلام : أما اللى انتو شايفينها قدامكو دى .., فتبقى الشمس .. , أسمع ضحكة مكتومة من الكواكب زملائى
ولكنى أكمل الكلام : أنا أكره الشمس .., الشمس بتاكل سندوتشاتى كل يوم فى الفسحة
يبدأ الجميع فى الضحك ويبدأ حماسى فى الإزدياد : كوكب عطارد متخلف .., بيحب الشمس وبيقعد معاها كل يوم فى الفصل لوحدهم فى الفسحة .., يزداد الضحك الشديد وتشير لى الأبلة تحية بالصمت ولكنى أتحمس أكثر وأكمل : انا بحب المريخ وزحل .., دول صحابى .., المشترى والزهرة مبحبهمش لانهم بيضربونى كتيير
لا أستطيع اكمال كلامى حيث تبدأ الكواكب فى مطاردتى .., وأرى الأبلة تحية وقد التف حولها المدرسون لأنها فقدت الوعى من الصدمة
.
.
تحول الأبة تحية نشاطها للتدبير المنزلى ولم ارها منذ ذلك اليوم
.

المشهد الثانى
المدرسة الاعدادية
تانية أول
.

يدخل الأستاذ عماد مدرس الجغرافيا الى الفصل .., والاستاذ عماد لمن لا يعرفه هو أول الجمهورية سبع سنوات على التوالى فى رفع الأثقال .., كيف يسمحون لهذا الوحش بأن يكون مدرسا .., تطلق الاشاعات كثيرا على الأستاذ عماد بأنه مختل عقليا .., ولكن لم يجرؤ أحد على التحقيق وراء هذه الإشاعة
يسألنا الأستاذ عماد بشراسة : عملتو كشكول الخرايط اللى قلتلكو عليه ؟
نرد جميعا : كشكول ايه .., انت مقلتش حاجة
يصيح الاستاذ عماد : يعنى أنا كداب ولا ايه .., الفصل كله هيتضرب .. , كل واحد تلاتين عصاية
ما هذا المعتوه .., يا الهى .., ماذا نفعل ؟
يكمل الأستاذ عماد : بس أنا هكون طيب معاكو .., ثم يخرج شيئا من جيبه ويكمل : اللى فى ايدى دى لمبة .., اللى هيمسكها فيكو ويخليها تنور .., مش هيتضرب
وتبدأ لعبة الموت .., يمسك الطلبة اللمبة واحدا بعد الاخر .., يعتصرها الجميع محاولين تجميع الطاقة الكهربية بداخلهم .., ولكن دون جدوى بالطبع .., ويبدأ تيار الضرب الجارف
وحينما يأتى الدور على ّ .., أمسك اللمبة .. ثم أبدأ فى الدعاء .., أخذت أدعو كثيرا .., وأخذت عهدا على نفسى بعدم مشاهدة سبيس تون مرة اخرى .., وهنا تحدث المعجزة
لم تضىء اللمبة بالطبع .., ولكن ..دخلت الأبلة صفاء مدرسة الألعاب الفصل .., وقالت للأستاذ عماد .., أنا عايزة أحمد علشان بنجهز لحفلة عيد الأم .., الله أكبر .. فلتحيا حفلة عيد الأم المجيدة
يبتسم الاستاذ عماد ويخبرها : أنا أشيلهولك على عينيا .., أنتى تؤمرينى .., روح يا احمد يا حبيبى
لا تنسى الأبة صفاء المُلعب كما كانو يطلقون عليها لسوء سمعتها قبل أن تخرج أن تميل على الأستاذ عماد وتهمس له بدلال : مستنياك بعد الحصة ., ثم ترقع ضحكة طويلة رقيعة من النوع الحيانى
ليتحمس أحد الطلاب من الخلف .., السيد وهو من النوع الذى يعيد الصف الثانى للمرة السابعة .., يقف السيد ثم يصفق بكلتا يديه كما لو كان فى أحد القهاوى ويصيح : أمووت أنا فى الزبدة البلدى .., إلعب يا مُلعب
ينقض عليه الأستاذ عماد لكى يقتله ولكنى أخرج سريعا حامدا ربى على هذه المعجزة

يقابلنى المدير بعد قليل ويسألنى عن الأستاذ عماد .., أخبره ببراءة أنه مع الأبلة صفاء فى أوضة الكمبيوتر
يسألنى المدير باستغراب : بيعملو ايه
أخبره ببراءة أكثر : بيفرجها على عضلاته يا أستاذ
بعد قليل يتم القبض على الاستاذ عماد والابلة صفاء فى وضع مخل بالاداب ويفصل الاثنان من المدرسة
.
.

المشهد الثالث
مدرسة النجاح الثانوية للبنين
.

تتكرر المأساة مرة أخرى مع مدرس الجغرافية .., الأستاذ عبد الستار .., رجل أصلع الشعر تماما الا من خصلة واحدة فى منتصف رأسه تجعله أشبه بجنى علاء الدين حين يخرج من المصباح

الاستاذ عبد الستار له ابن معنا فى الفصل .., وبالتالى يتحول هذا الولد الى الكتكوت المدلل الذى لا يهمه أحد .., وفى أحد الايام يجعله والده مسؤلا عن كتابة أسماء من يتكلمون .., ويبدأ الصدام بينى وبينه
أقف صارخا بحماس المراهقين : أنت بتتشطر هنا يااض علشان خاطر ابوك مدرس .., طب لو راجل استنانى برة
يرد ذلك الولد الضعيف بثقة : خلاص هستناك برة
لا أفهم مصدر الثقة .., ولكنى انظر الى اصدقائى الكثيرين .., وافكر .., لن يمكنه هزيمتى أبدا

أخبر أصدقائى : النهاردة فيه خناقة .., استنونى برة
أخرج وكلى ثقة فى النصر .., ولكن هناك كانت المفاجأة
أنظر الى ذلك القنفذ الصغير .., أجده قد أحضر ما يزيد عن الخمسين طالب من الأحجام الكومبو .., يقف الجميع ممسكين الأحزمة ., يمسك بعضهم الهراوات على سبيل التسلية .., بينما يمسك البعض الاخر ببعض الأسلحة حديدية المنشأ
أنظر إلى اصدقائى فلا أجد أحدهم .., هرب الجمييع ... الكلاااااااااااااااب
أبدأ فى استرجاع ما فعله أدهم صبرى .. بطلى المفضل .., كثيرا ما تعرض لهذه المواقف ولكنه انتصر فيها جميعا .., اهم شىء الا ينسى ابتسامة السخرية التى لا تفارق شفتيه
.
.
أبتسم ابتسامة السخرية .., ثم أخلع الحزام استعدادا للضرب .., ولكن للأسف .., يبدأ البنطلون فى السقوط ., اللعنة .., لم أحسب لهذا الأمر
ألبس الحزام مرة اخرى وأصيح : انا هضربكو بايدى .., انا مش محتاج حزاام ., اخاف عليكو تتعورو
أقترب وكلى ثقة فى النصر .., وثقتى تزداد .....وتزداد .....وتزداد ....وتزداد ..وتزداد.. كلما اقتربت
.
أصيح مرة اخرى : بصو يا كباتن .., اضربو براحتكو .., بس والنبى ..والنبى .., محدش يضرب فى الوش
.
تفشل جميع حركات أدهم صبرى البهلوانية فى مواجهة هذا الحشد .., ويبدأ الجميع فى التسلية الممتعة بضربى .., وينتهى بى الامر لأن يصبح جسدى مليئا بعلامات من توك الأحزمة
التى انطبعت على جسدى .., لأبدو كمن سهر الليل فى محاولة لرسم العديد من التاتووو .., والشىء اللذيذ أن الكلام المكتوب على توك الأحزمة الحديدية قد انطبع كما هو على جسدى
.
اخر ما أتذكر اننى قلته قبل أن أغيب عن الوعى كان : ملعوون أبو الجغرافيا .., إضرب يا عم
.

.

تمت

علبة ألوان

2007-04-04T04:59:00.000+02:00

أحيانا نصنع أشياء صغيرة دون أن نقصد .., ولكنها تتسبب فى إسعاد الكثيرين ..لنكتشف فى النهاية أنها أسعدتنا

نحن أيضا

.

اسمها مريم .., اسم مناسب تماما ًً لهذا الكيان الرائع الهش ..عصفور صغير يطل على عالمى من حين لآخر .. ليجعل حياتى أفضل
.
طفلة هى فى عامها الدراسى الأول ..حين تراها تعتقد أنها لم تدخل الحضانة بعد ..صغيرة الحجم .., دقيقة الملامح ..تذكرك بالعرائس الصغيرة
.
تربطها بى صلة قرابة , وتعيش فى المنزل المقابل .., أراها حين تأتى للعب مع أختى الصغيرة ..التى تكبرها بعامين
.
أعود من الكلية متعبا ً .., أغير ملابسى .., تأتى مريم تأتى مريم لتسأل على أختى .., لا تجدها .., فنجلس لنتحدث سويا فى حجرتى .., تبدو كالكبار حين تتحدث
.
تشكو لى صعوبة المدرسة وكثرة الواجبات .., أشكو لها صعوبة الكلية والامتحانات .. تحدثنى عن أصدقائها .., وأحدثها عن أصدقائى
.
تنظر إلى أقلامى الفسفورية الملونة بإعجاب .. ثم تسألنى : أنت بتحب الرسم ؟؟
أجيبها : آه طبعا بحبه .., بس الأقلام دى بتاعة المذاكرة يا حبيبتى
تنظر إلى الاقلام مرة أخرى ثم تقول : أنا كمان بحب الرسم أوى
.
أشعر برغبتها الشديدة فى امتلاك احدى هذه الأقلام .., ولكنها لا تريد أن تطلبها منى .., أفكر فى اعطائها لونا ً .., ولكن .. تنبعث بداخلى روح الشقاوة الطفولية , وأقرر ملاعبتها قليلا ً
.
أقول لها : أنا معايا حاجة وعايز أديهالك
تقول ببهجة : إيه .. قلم ملون .. صح ؟
.
أبتسم .., ثم أخرج من جيبى علبة نعناع وأعطيها إياها .., تفرح بها .. ثم تتذكر الألوان .. فتنظر الى الاقلام مرة أخرى وتقول بشقاوة : أنا زهقت من المذاكرة بقى وعايزة أرسم شوية
أخبرها : إيه رأيك .. كل يوم قبل متنامى ترسمى رسمة وتجيبيهالى تانى يوم أشوفها ؟
ترد بسرعة : مااااااشى .. ثم تكمل بخيبة أمل : بس أنا معنديش ألوان
تنظر للألوان مرة اخرى وتقول بخبث محبب : هعمل إيه بقى ؟؟
.
أضحك على الرغم منى ولا أستطيع اكمال شقاوتى .. ثم اخبرها : خدى اللون اللى انتى عايزاه
تأخذ اللون الأزرق .. ثم تذهب سعيدة
.

*****************

.
أصحو من النوم .., أنظر إلى المكتب لأجد ورقة صغيرة .. , وزهرة زرقاء مرسومة عليها
مكتوب تحتها بخط طفولى جميل .. مريم
.
تفرحنى كثيرا ً الرسمة .., ولكن ما يسعدنى اكثر هو احترامها للاتفاق .., فقد نفذت ما اتفقنا عليه .., واعطتنى ما رسمت هدية .., لن أكون مبالغا ً اذا قلت أننى اعتبرتها أفضل هدية جاءتنى على الإطلاق
.
يأتى المساء .., أنظر إلى اختى الصغيرة .., أجدها تذاكر .., ما الذى جناه هؤلاء الصغار لكى يشقوا بالمذاكرة فى هذا العمر ؟؟
.
أناديها : سيبى اللى فى إيدك وتعالى يا نورا عايزك
ترد : بس أنا ورايا مذاكرة يا أحمد
أقول : علشان خاطرى تعالى بس .., انتى متعبتيش من المذاكرة يا حبى
تأتى ونجلس سويا فى حجرتى .., أقول لها : إيه رأيك تبطلى مذاكرة شوية .. وترسمى
ترد بفرحة : يا سلام .. انت بتتكلم جد .., أنا بحب الرسم أوى .., بس مبلحقش أرسم .., الواجبات كتير
أقول : أيوة بتكلم جد .. عايزك كل يوم قبل متنامى .. ترسمى .., شايفة الألوان دى ؟ .. خديلك قلم
تأخذ اللون الأخضر .., وعلبة النعناع .. ثم تذهب سعيدة .. وتبدأ فى الرسم
تنام وعلى وجهها ابتسامة لم أرها منذ وقت طويل
.
أصحو من النوم .., أسرع إلى المكتب فى لهفة .. لأجد رسمتين .. واحدة من مريم والأخرى من أختى
.
ترسم أختى رسمتى التى كنت أعشقها وأنا صغير .., البنت التى تلعب فى الحديقة .., حول الاشجار .. الشمس الضاحكة فى السماء .. والبلابل تطير وتغنى .. نفس الرسمة التى طالما عشقتها .., وكنت وما زلت أعتقد .. أنها الصورة المثالية للجنة
.
حين أتخيل الجنة .., وكيف ستبدو .. تأتى هذه الصورة فى ذهنى على الفور .. بخطوطها الطفولية .. , وبشمسها الضاحكة .. , وبطيورها المغردة
.
.

********************
.

.
أعلق لوح الرسامين الصغار فوق جدار حجرتى
كلما نظرت إلى ما صنعت يداهم .. أعود على الفور إلى طفولتى .., تيار جارف من الحنين أشعر به .., يغمرنى ويعطينى الامل فى اكمال حياتى
.
تأتى لى طفلة أخرى من شارعنا الصغير .. انها ندى .. تسألنى بحرج : عمو .. مريم ونورا قالولى انك بتخليهم يرسمو .. أنا رسمت رسمة وعايزة أجيبهالك .. ممكن ؟
.
أرد بسعادة غامرة : طبعا يا حبيبتى هاتيها .., وقولى لصحابك كمان
وقبل ان تذهب .. , أعطيها لونا ً اخر من ألوانى .., وعلبة النعناع المفضلة
وتزداد الرسوم المعلقة فى حجرتى
.
يخبر الأطفال بعضهم بمشروعى الصغير .. جنة الألوان .., يأتى الجميع للإنضمام الينا
ربما كانو سعداء بالالوان أو بعلب النعناع التى أعطيها لهم .., وربما كانو يحتاجون فعلا الى من يشعرهم بأن ما تصنع أيديهم يلقى الاهتمام
.
تتحول جدران حجرتى إلى معرض لابداعاتهم .., وتتحول جدران قلبى إلى علبة ألوان كبيرة تنبض ببهجتهم .., ونقرر أن نرسم سويا ً ابتسامة كبيرة نحمى بها طفولتنا وأطياف بهجتنا الملونة