Wednesday, January 17, 2007,11:32 PM
ما هى نقصاك

معرفش أنا مالى اليومين دول؟


معرفش حتى أنا ليه بكتب دلوقتى ؟


أنا مش متعود أكتب لما أكون متضايق .., متعود إنى أقعد مع نفسى .., ومش متعود إنى أشتكى همومى لحد

يمكن مبحبش ان حد يشوفنى وانـا ضعيف .., يمكن مبحبش أشيل حد همى .., متعود لما حد يسألنى مالك

أقول مفيـــش


أنا عارف ان فيه قرارات كتيير اوى خدتها وهيا غلــط


يمكن لمـا جيت أصلح شوية منها .., زعلت ناس منى


فيه ناس كتيير كل ما أفتكرهم .., أحس ان انا غلطت فى حقهم


ومش عارف حتى أقولهم أنا اســف .., لان فيه حاجات مينفعش فيها أسف


فيه مواقف غبية كتيير اتحطيت فيها .., طلعت منها بأسلوب أغبى .., ولما اجى أفكر دلوقتى .., أقول ايه اللى انا عملته ده


ساعات بفكر لو كان ينفع أرجع وأغير كل اللى حصل ده .., وساعات تانية بقول لا ..انا كنت هعمل نفس اللى عملته

حالـــــــــــــــــــة مقرفة من التشوش


فيه ناس تانية عزيزة عليا .., بيفتكرونى فى اوقات مبكونش فاكرهم فيها .., بجـــد بفرح أوى ساعتها انهم فاكرينى


وناس تانية مهما كنت بهزر وبضحك وانا من جوه زعلان .., بيعرفو .., وبيقولولى مالــك

دول انا بقولهم شكرا .., انا عارف انهم مش عايزين كلمة شكرا دى منى .., بس لازم أشكرهم


فيه ساعات الواحد بيفقد الثقة فى نفسه .., وبيفقد الثقة فى كل حاجة عزيزة

شكرا للى وقفو جنــبى ساعتها



أنا مش هتكلم أكتر من كده


كفاية كآبة
 
posted by zordeak
Permalink ¤